10/28/2020
Today from Hiiraan Online:  _
Wararka Maanta- Sabti, Aug 22, 2020
Wasaaradda duulista hawada Soomaliya oo mar kale ku celisay in diyaarad Qaad sidda aysan imaan karin Soomaaliya


 

Sabti, Agoosto 22, 2020 (HOL) - Maareeyaha hay’adda duulista hawada Soomaaliya, Axmed Macalin oo ka qeyb galayay barnaamijka kulanka jimcaha ee telefishinka qaranka, ayaa sheegay diyaarad Qaad sidda in aysan cagta soo dhigi karin dhulka Soomaaliya.

Maareeyuhu wuxuu sheegay inay tallaabo ka qaadeen diyaarado ka yimid dalka Kenya oo lagusoo qariyay baakado Jaad ah, isagoo sheegay dowladdu in ay u sahlantay inay ogaato diyaarad kasta oo isku dayda inay qaab kontarabaan ah dalka kusoo galiso Qaadka la mamnuucay.

“100% waxaan kalsooni ku qabnaa inaan gacanta ku hayno kantaroolka hawada Soomaaliya. Diyaarad kasta oo Qaad soo qaada waxaan ku celinaa waddanka ay ka timid. Waxaan la macaamilnaa duuliyadaasha, iyaga ayaa masuul ka ah waxa saaran diyaarada,” ayuu yidhi maareeyaha hay’adda  duulista Soomaaliya.

Wasiirka duulista hawada Soomaaliya, Maxamed Salaad Oomar ayaa sheegay dowladda Kenya in aysan ka filayn in Qaad ay mamnuucday dowladda Soomaaliya kusoo qariso duulimaadyadeeda Soomaaliya.

Maxamed Salaad Oomar ayaa sidoo kale sheegay in ay dowladdu hubisay in diyaaraddaha Qaramada Midoobay lagusoo qariyo Jaad, wuxuu sheegay inay baaritaan ku sameeyeen diyaaraddo UN-ka leeyahay oo laga shakiyay.

Dowladda Soomaliya ayaa bishii march ee sanadkaan mamnuucday Qaadka ka yimaada dalka Kenya sababo la xidhiidha faafitaanka cudurka Covid19.

Balse iyadoo la qaaday xanibaada duulimaadyadii caalamiga ahaa ee Covid19, ayay dowladda Soomaaliya weli meesha ka saarin mamnuucista Qaadka.

Abdiweli M. Sheikh, Hiiraan Online
[email protected]












Click here
8/22/2020 12:12 PM EST
Sabti, Agoosto 22, 2020 (HOL) - Madaxweyne ku xigeenka Jubbaland Maxamuud sayid Aadan aya shaqadii ka joojiyay wasiirka wasaaradda xanaanada xoolaha dhirta iyo daaqa ee Jubbaland Maxamed Xasan Maxamed oo lagu eedeyay ku takrifal Maaliyadeed oo aan nidaamka maaliyadda Jubbaland waafaqsanayn.

8/22/2020 12:07 PM EST
Sabti, Agoosto 22, 2020 (HOL) - Maxkamada darajada koowaad ee gobolka Nugaal ayaa maanta xabsi shan sano ah iyo labo kun oo dollar oo ganaax lacageed ah ku riday haweenay lagu eedeeyay inay karin jirtay islamarkaana ka ganacsan jirtay maamdooriyaha qamriga ee loo yaqaan Calaqa.

8/22/2020 10:56 AM EST
Sabti, Agoosto 22, 2020 (HOL) - Munnaasabad balaaran oo aay xilalka kula kala wareegayeen Taliyaha cusub ee loo soo magacaabay guutada 5-aad iyo Taliyahii hore ayaa maanta lagu qabtay magaalada Beledweyne ee xarunta gobolka Hiiraan.

8/22/2020 4:07 AM EST
Sabti, Agoosto 22, 2020 (HOL) - Xafiiska Xeer-ilaaliyaha Guud ee Qaranka ayaa Muqdisho ku qabtay kulan looga hadlayay sidii sharciyan loo xoojin lahaa joojinta tacdiyadaha ka dhanka jinsiga ( Kufsiga). waxaana si gaar diiradda loogu saaray sare u kaca ku yimid intii lagu guda jiray Xiyaraaddii COVID-19.

8/22/2020 2:17 AM EST
Sabti, Agoosto 22, 2020 (HOL) - Ganacsatada Qaadka Kenya ayaa dowladdooda ugu baaqday inay suuqyo kuyaala qaaradda Afrika u raadiso ganacsiga Qaadka Miiroowga, si looga kaaftoomo baahida loo qabo Qaadka loo iib gayn jiray Soomaaliya.

8/22/2020 1:55 AM EST
Sabti, Agoosto 22, 2020 (HOL) - Puntland ayaa soo bandhigtay maxaabiis katirsan Al-shabaab iyo hubkooda, kuwaas oo lagu qabtay dagaal xoogan oo shalay Al-shabaab kusoo qaadeen saldhig ay leeyihiin ciidanka daraawiishta Puntland oo kuyaala Aaga Calmadow.

8/22/2020 1:51 AM EST
Sabti, Agoosto 22, 2020 (HOL) - Tiro hoobiyeyaal ah ayaa xalay lagu garaacay xaafadda Howlwadaag ee magaalada Beledweyne, gaar ahaan Saldhiga ay ku leyihiin Taliska Ciidamada Jabuuti xaafadda Howlwadaag.

8/22/2020 1:32 AM EST
Sabti, Agoosto 22, 2020 (HOL) - Maamulada Puntland iyo Jubbaland ayaa soo saaray war murtiyeed ay ku midaysan yihiin oo ay kagasoo horjedaan natiijada kasoo baxday shirkii magaalada Dhuusomareeb.