10/28/2020
Today from Hiiraan Online:  _
Wararka Maanta- Jimco, Aug 21, 2020
Madaxweyne Waare “Siyaasiyiinta yeeysan isku jabsan dhalo siyaasadeed”


 

Jimco, Agoosto 21, 2020 (HOL) - Madaxweynaha maamulka Hirshabeelle Maxamed Cabdi Waare ayaa waxa uu sheegay in loo baahanyahay in siyaasiyiinta iyo hoggaanka Soomaaliyeed ay u turaan dadka iyo dalka si uu u qaan-gaaro nidaamka dowladnimo ee ka jira Soomaaliya .

Waare ayaa tilmaamay in ayaan-darri ay tahay in la isku  jabsado “Qarshe siyaasadeed” isagoo ugu baaqay guud ahaan madaxda in la isku tanaasulo oo aan la isku arkin Indho aan aheyn kuwa Soomaaliyeed.

“Bal ka warran hadii aan hotel shirko ku nahay oo si loo xisaabtamo, la iskusoo qaato baangado iyo mindiyo, ma idinla tahay in uu sii shaqeynayo ganacsigaas oo lagusoo hiran doono” ayuu madaxweyne Waare ka sheegay munaasabad lagusoo xerayay Wejigii seddexaad ee shirka Dhuusamareeb.

Madaxweynaha maamulka Hirshabeelle ayaa hadalkiisa ku daray in doorasho kasta loo baahanyahay iney qaato diyaar garow, taasna ay muhiim tahay in la wada fahmo.

Hadalka madaxweyne Waare ayaa waxa uu imaanayaa xilli shirka maanta Dhuusamareeb lagusoo xeray ay ka maqanyihiin madaxda maamullada Jubaland iyo Puntland .

Abdiaziz Ahmed Barrow, Hiiraan Online
[email protected]












Click here
8/21/2020 10:13 AM EST
Jimco, Agoosto 21, 2020 (HOL) - Madaxweynaha Soomaaliya Maxamed Cabdullaahi Farmaajo ayaa waxa uu magacii ka bedalay magaalada Dhuusamareeb, kadib marka sida uu sheegay uu soo jeedin badan ka helay qaar kamid ah siyaasiyiinta iyo dadka deegaanka .

8/21/2020 10:04 AM EST
Jimco, Agoosto 21, 2020 (HOL) - Kooxo burcad badeed Soomaali ah ayaa sii daayay seddex ruux oo u dhashay dalka Iiraan oo ay Af-duubteen sanadkii 2015-dii, sida lagasoo xigtay sargaal sare oo lataliye ka ah dembiyada badaha ka dhaca oo saldhiggiisu yahay waddanka Kenya.

8/21/2020 6:32 AM EST
Jimco, Agoosto 21, 2020 (HOL) - Maamul Goboleedka Soomaaliyeed ee Puntaland ayaa beesha Caalamka usoo jeediyay in la joogo waakhtigii ay saaxiibada Soomaaliyeed fahmi lahaayeen halka ay u socoto siyaasadda dalka iyo marxaladda kala guurka ah, taas oo muhiimad wanaagsan u leh dowladnimada Soomaaliyeed.

8/21/2020 6:29 AM EST
Jimco, Agoosto 21, 2020 (HOL) - Waxaa xalay magaalada Dhuusamareeb ku gaaray heshiis ku aaddan nooca doorashada Soomaaliya ay noqoneyso madaxweynaha dowladda faderaalka ah, hoggaamiyayaasha maamullada Galmudug, Hirshabeelle, Koonfur galbeed iyo Duqa Caasimadda Muqdisho.

8/21/2020 6:18 AM EST
Jimco, Agoosto 21, 2020 (HOL) - Ciidamada Mareykanka ee ka howl-gala qaaradda Afrika ee AFRICOM ayaa waxay faah faahin ka bixiyeen weerar duqeyn ah oo ay shalay ku qaadeen deegaan hoos tega Kuntuwaarey oo ka tirsan Gobolka Shabeellada hoose. Waxayna sheegeen in ay la bartilmaameedsadeen xubno kamid ah Alshabaab oo halkaas ku sugnaa.