10/27/2020
Today from Hiiraan Online:  _
Wararka Maanta- Arbaco, Aug 19, 2020
Wasaaradda waxbarashada Soomaaliya oo ku dhawaaqday go'aan dalka looga saarayo agaasimaha hay'adda Care international


 

Arbaco, Agoosto 19, 2020 (HOL) - Dowladda federaalka ah Soomaaliya ayaa ku dhawaaqday go’aan dalka looga eryayo madaxa ugu sareeya hay’adda care International xafiiskeeda Soomaaliya Iman Cabdulaahi.

Qoraal kasoo baxay wasiirka waxbarashada ayaa sarkaalkaan lagu ogeysiiyay in dalka laga masaafurinayo, waxaana lagu yidhi sidatan,” Waxaan la socodsiinay mas'uuliyiinta dowladda, deeq bixiyeyaasha iyo sidoo kale la-hawlgalayaasheena waxbarashadda, go'aanka deg-dega ah oo aan kaaga saarayno Soomaaliya wakiilka hay'adda Care International.”

Wasiirka waxbarashada Soomaaliya ayaa sheegay go’aankaan ay qaateen in uusan ahayn go’aan ku yimid si fudud, balse ay dhowr jeer isku dayeen inay hagaajiyaan xidhiidhka sii xumaanayay ee wasaaradda waxbarashada iyo hay’adda Care international.

Wasiir Goodax ayaa sheegay isku dayo badan oo ay hoggaaminaysay wasaaraddiisa iyo qareenadeeda aan laga gaarin wax natiijo ah oo wanaagsan

Wasaaradda waxbarashada ayaa ku eedeysay agaasimaha fulinta Care inuu iska indho tiray siyaasadaha dowladda islamarkaana uu xiisado ka dhex abuuray dowladda federalka Soomaaliya iyo dowlad goboleedyada.

“Intii aad xafiiska joogtay waxaad aadday olole aad ku carqaladeynayso horumarka waxbarashada, adigoo abuurayay fowdo iyo kalsooni darro ka dhex taagnayd dowladda federalka Soomaaliya, dowlad goboleedyada iyo taageerayaashooda waxbarashada,” ayaa lagu yidhi qoraalka kasoo baxay wasiirka waxbarashada.

Wasaaradda waxbarashada ayaa sidoo kale ku eedeysay masuulkaan inuu isku dayay inuu dhaawaco xidhiidka Soomaaliya kala dhexeeya deeq bixiyaasheeda iyo saaxiibadeeda caalamiga ah.

Ugu dambayn wasaaradda waxbarashada ayaa sheegtay inuusan sarkaalkan mar dambe kasii shaqayndoonin Soomaaliya ayna hadda diyaarinayso dukementiyadii dalka loogasoo saari lahaa, iyadoo lagu wargalinayay dhammaan hay’addaha dowladda ee ay quysayso arrintiisa.
 
 

Abdiweli M. Sheikh, Hiiraan Online
[email protected]












Click here
8/19/2020 1:17 PM EST
Arbaco, Agoosto 19, 2020 (HOL) - Waxaa maanta magaalada Hargeysa lagusoo dhoweeyay wakiilka dowladda Itoobiya ay usoo magacowday Somaliland Saciid Maxamed Jabriil, sida ilo ku dhow maamulka ay u sheegeen shabakadda Hiiraan Online.

8/19/2020 1:13 PM EST
Arbaco, Agoosto 19, 2020 (HOL) - Waxaa maanta magaalada Muqdisho heshiis ku kala saxiixday wasiirka dekadaha iyo gaadiidka badda marwo Maryan Aways Jaamac iyo shirkadda maamusho dekadda weyn ee Muqdisho Albayrak.

8/19/2020 1:08 PM EST
Arbaco, Agoosto 19, 2020 (HOL) - War kasoo baxay Somaliland ayaa looga jawaabay aragtiyadii isku midka ahaa ee dowladaha Soomaaliya iyo Shiinaha ee ku saabsanaa heshiiskii dhinaca diblumaasiyadda ee dhowaan ay gaareen Somaliland iyo Taiwan , islamarkaana sababay in la is weydaarsado xafiisyo labada dhinac ah.

8/19/2020 12:27 PM EST
Minnesota waxaa lagu soo gabagbeeyey tartan quraan oo uga socday in ka badan 450 arday oo ka kala yimi goboladda maraykanka ,

8/19/2020 10:56 AM EST
Arbaco, Agoosto 19, 2020 (HOL) - Taliyaha Ciidamada Xooga dalka General Odawaa Yuusuf Raage ayaa xilalkii ka qaaday taliyaha guutada 5-aad qeybta 27-aad ee CXD Korneel Faarax Cali Waasuge (Faarax Kooshin) waxaana xilkaasi loo magacaabay Korneel Maxamuud Xasan Ibraahim, Baakaay oo horay u ahaa taliyaha guutada 22-aad.

8/19/2020 10:44 AM EST
Arbaco, Agoosto 19, 2020 (HOL) - Beesha caalamka oo ay ku midaysan yihiin ururo iyo dalalka ku lugta leh arrimaha Soomaaliya, ayaa soo dhoweeyay in madaxweynaha Dowladda Federaalka Soomaaliya iyo kuwa Dowladaha Xubnaha ka ah Federaalka ay magaalada Dhuusamareeb gaareen 15kii bishan Agoosto, si ay u billaabaan kulankooda xiga, sida qorsheysnayd.

8/19/2020 5:11 AM EST
Arbaco, Agoosto 19, 2020 (HOL) - Dowladda Federaalka Soomaaliya iyo Qaramada Midoobay ayaa ku baaqay in la ilaaliyo shaqaalaha gargaarka ee bixiya gargaarka naf-badbaadinta ah ee loogu talagalay carruurta nugul, haweenka iyo ragga..

8/19/2020 4:07 AM EST
Arbaco, Agoosto 19, 2020 (HOL) - Barnaamijka caalamiga ah ee dambiyada abaabulan, ayaa sheegay in ay heleen cadaymo la rumeysan karo oo sheegaya in Iran ay hub siiso mucaaradka sokeeye ee Yemen, laakiin shabakadaha dambiilayaasha laga yaabo inay hubka ka ganacsadaan dhanka geeska Afrika gaar ahaan Soomaaliya.

8/19/2020 3:44 AM EST
Arbaco, Agoosto 19, 2020 (HOL) - Guddiga gurmadka xaalka waara ee fatahaadaha Baledweyne ayaa sheegay iney soo afjareen wajiga koowaad ee la tacaalista iyo ka hortagista biya xiraanka fatahaadda Wabiga Shabelle.