10/28/2020
Today from Hiiraan Online:  _
Wararka Maanta- Isniin, Aug 17, 2020
Madaxweynaha Galmudug oo sheegay in shirkii Dhuusomareeb uu furmay lana gaaray isfahan guud


 

Isniin, Agoosto 17, 2020 (HOL) - Madaxweynaha Galmudug Axmed Cabdi kaariye Qoorqoor, ayaa sheegay inuu furmay wajigii koowaad ee shirka Dhuusomareeb 3 ayna madaxdu ka doodeen qaababka doorasho ee ay guddiga arrintaan loo xilsaaray usoo gudbiyeen dowladda federalka iyo dowlad goboleedyada.

Madaxweynaha Galmudug waxa uu sheegay in dhinacyada shirka ay si guud wax iskugu afgarteen welina ay doodu socoto, Wuxuu intaas ku daray in ay sugayaan tallooyinka madaxweynayaasha shirka ka maqan.

Madaxweyne  Qoorqoor, wuxuu ugu baaqay Puntland iyo Jubbaland inay yimaadaan Dhuusomareeb, isagoo caddeeyay in shirka Dhuusomareeb uu u xayiran yahay maqnaanshahooda, inkastoo uu xusay inuu dareensan yahay in ay la maqan yihiin tabashooyin ay qabaan.

“Waa la kala duwanaan karaa, waa jiri karaan waxyaabo aan lagu wada qanacsnaayn. Balse waxaan ka codsanaynaa walaalaha sharafta leh, saaxiibaday inay yimaadaan gogasha, Xaaaladda dalku maanta marayo iyo baahida loo qabo in dalkaan doorasho ka dhaco, uma baahna in waqtigu ku dhumo waxyaabo aan ku aadanayn maslaxadda,” ayuu yidhi madaxweynaha Galmudug.

Qoorqoor wuxuu sheegay inuu la xidhiidhay madaxweynayaasha maqan uuna rajo wanaagsan ka qabo inay yimaadaan Dhuusomareeb.

Dhinaca kale, madaxweynaha maamulka Galmudug ayaa sheegay in shirka Dhuusomareeb uusan u baahnayn in damaanad loo helo wixii kasoo baxa.

“Halkaan waxaan maanta ku nimid isfahan dhexdeena ah, iyadoo aan ciddina nagu dhex jirin, madaxda Soomaaliyeed iyagaa isfahmaya iyagaana damaanad isku ah, waxaana ku kalsoonnahay wixii kasoo baxa Dhuusomareeb 3 inay fulayaan,” ayuu yidhi madaxweyne Qoorqoor.

Marka taas laga yimaado, waxaa madaxweynuhu uga mahad celiyay taageerada ay beesha caalamka la garab taagan yihiin Soomaaliya.

Abdiweli M. Sheikh, Hiiraan Online
[email protected]












Click here
8/17/2020 5:07 PM EST
Isniin, Agoosto 17, 2020 (HOL) - Madaxweynaha Hirshabelle Maxamed Cabdi Waare ayaa ka tacsiyeeyay geerida Allaha u naxariistee Wasiirkii Beeraha Iyo Waraabka Hirshabelle Marxuum Cabdulqaadir Abuukar Muxumed Karaani oo caawa lagu dilay magaalada Magaalada Jowhar Xili uu ka baxay Masaajid uu ku dukaday Salaada Cishaha.

8/17/2020 4:56 PM EST
Isniin, Agoosto 17, 2020 (HOL) - Taiwan ayaa xafiis diblumaasiyadeed ka furatay Somaliland Isniintii maanta ahayd, taas oo lagu tilmaamay astaan muujineysa xiriirka ka dhexeeya labada dhinac oo isku aqoonsan dowladdo gooni isku taagay.

8/17/2020 4:48 PM EST
Isniin, Agoosto 17, 2020 (HOL) - Dowlad goboleedka Jubbaland ayaa ku eedeeysay dowladda federalka inay burburisay miro dhalkii kasoo baxay shirarkii magaalada Dhuusomareeb.

8/17/2020 4:23 PM EST
Isniin, Agoosto 17, 2020 (HOL) - Madaxweynaha Soomaaliya Maxamed Cabdullaahi Farmaajo oo ay weheliyeen Madaxweyneyaasha Dowlad Goboleedyada Galmudug, Koonfur Galbeed, Hirshabeelle iyo Guddoomiyaha Gobolka Banaadir ayaa warbixin ka dhageystay Guddiga Ka-baaraan degga doorashooyinka dalka.

8/17/2020 3:05 PM EST
Isniin, Agoosto 17, 2020 (HOL) - Wasiirkii wasaaradda beeraha ee maamulka Hirshabeelle Cabdikhaadir Abuukar Karaani sidoo kalena ahaa xildhibaan ka tirsanaa Baarlamanka Dowlad gobolaadkaas ayaa caawa lagu dilay magaalada Jowhar.

8/17/2020 1:02 AM EST
Isniin, Agoosto 17, 2020 (HOL) - Madaxweyne Farmaajo ayaa kulan hordhac u ah Shirka Wadatashiga Dhuusamareeb la qaatay Madaxweyneyaasha Dowlad Goboleedyada, Galmudug Axmed Cabdi Kaariye, Hirshabeelle Maxamed Cabdi Waare, Koonfur Galbeed Cabdicasiis Xasan Maxamed iyo Guddoomiyaha Gobolka Banaadir Cumar Maxamuud Maxamed.

8/17/2020 12:54 AM EST
Isniin, Agoosto 17, 2020 (HOL) - Ciidamada dowladda ayaa soo afjaray weerarkii Al-shabaab ku qaadeen hotel Elite, oo kamid ahaa hotelada ammaankooda aad loo ilaaliyo ee kuyaala xeebta Liido ee magaalada Muqdisho.

8/17/2020 12:49 AM EST
Isniin, Agoosto 17, 2020 (HOL) - Dowlad goboleedka Puntland ayaa ku baaqay in beesha caalamka ka qeyb gasho shirka Dhuusomareeb ee looga tashanayo doorashooyinka Soomaaliya ee soo socda.