10/25/2020
Today from Hiiraan Online:  _
Wararka Maanta- Isniin, Aug 17, 2020
Taiwan oo xafiis diblumaasiyadeed ka furatay Somaliland


 

Isniin, Agoosto 17, 2020 (HOL) - Taiwan ayaa xafiis diblumaasiyadeed ka furatay Somaliland Isniintii maanta ahayd, taas oo lagu tilmaamay astaan muujineysa xiriirka ka dhexeeya labada dhinac oo isku aqoonsan dowladdo gooni isku taagay.

Lou Chen-hwa, oo ah wakiilka Taiwanese, oo madax ka noqon doona xafiiska Somaliland, ayaa yidhi "Waxaan ku kalsoon nahay wada shaqeynta iyo xiriirka saaxiibtinimo ee ka dhexeeya Somaliland,"

Wuxuu intaas ku daray inay labada dhinac qorsheeyeen inay iska kaashadaan waxkasta oo kamid ah, daryeelka caafimaadka, beeraha iyo amniga.

Heshiiska lagu furay xafiiska cusub ayaa waxaa la shaaciyey bishii hore, waxaana la filayaa in Somaliland ay xafiiskeeda ka furato magaalo madaxeedka Taiwanese Taipei waqtiyada soo socda.

Yaasiin Xaaji Maxamed, wasiirka arrimaha dibedda ee Somaliland, ayaa u sheegay weriyeyaasha in arrintaan horey loogasoo shaqeeyay ayna tahay guul usoo hoyatay Somaliland.

Taiwan waxaa si rasmi ah u aqoonsan 15 dal oo keliya - Shiinaha ayaa ku gacan seeray toddobo kamid ah xulafada diblomaasiyadeed kadib markii madaxweyne Tsai Ing-wen uu xukunka la wareegey sanadkii 2016.

China ayaa Taiwan ku tilmaamay jasiirad dhulkeeda kamid ah iyada oo ku dhaaratay inay maalin uun qabsan doonto, haddii loo baahdo.

Abdiweli M. Sheikh, Hiiraan Online
[email protected]












Click here
8/17/2020 6:13 PM EST
Isniin, Agoosto 17, 2020 (HOL) - Madaxweynaha Galmudug Axmed Cabdi kaariye Qoorqoor, ayaa sheegay inuu furmay wajigii koowaad ee shirka Dhuusomareeb 3 ayna madaxdu ka doodeen qaababka doorasho ee ay guddiga arrintaan loo xilsaaray usoo gudbiyeen dowladda federalka iyo dowlad goboleedyada.

8/17/2020 5:07 PM EST
Isniin, Agoosto 17, 2020 (HOL) - Madaxweynaha Hirshabelle Maxamed Cabdi Waare ayaa ka tacsiyeeyay geerida Allaha u naxariistee Wasiirkii Beeraha Iyo Waraabka Hirshabelle Marxuum Cabdulqaadir Abuukar Muxumed Karaani oo caawa lagu dilay magaalada Magaalada Jowhar Xili uu ka baxay Masaajid uu ku dukaday Salaada Cishaha.

8/17/2020 4:48 PM EST
Isniin, Agoosto 17, 2020 (HOL) - Dowlad goboleedka Jubbaland ayaa ku eedeeysay dowladda federalka inay burburisay miro dhalkii kasoo baxay shirarkii magaalada Dhuusomareeb.

8/17/2020 4:23 PM EST
Isniin, Agoosto 17, 2020 (HOL) - Madaxweynaha Soomaaliya Maxamed Cabdullaahi Farmaajo oo ay weheliyeen Madaxweyneyaasha Dowlad Goboleedyada Galmudug, Koonfur Galbeed, Hirshabeelle iyo Guddoomiyaha Gobolka Banaadir ayaa warbixin ka dhageystay Guddiga Ka-baaraan degga doorashooyinka dalka.

8/17/2020 3:05 PM EST
Isniin, Agoosto 17, 2020 (HOL) - Wasiirkii wasaaradda beeraha ee maamulka Hirshabeelle Cabdikhaadir Abuukar Karaani sidoo kalena ahaa xildhibaan ka tirsanaa Baarlamanka Dowlad gobolaadkaas ayaa caawa lagu dilay magaalada Jowhar.

8/17/2020 1:02 AM EST
Isniin, Agoosto 17, 2020 (HOL) - Madaxweyne Farmaajo ayaa kulan hordhac u ah Shirka Wadatashiga Dhuusamareeb la qaatay Madaxweyneyaasha Dowlad Goboleedyada, Galmudug Axmed Cabdi Kaariye, Hirshabeelle Maxamed Cabdi Waare, Koonfur Galbeed Cabdicasiis Xasan Maxamed iyo Guddoomiyaha Gobolka Banaadir Cumar Maxamuud Maxamed.

8/17/2020 12:54 AM EST
Isniin, Agoosto 17, 2020 (HOL) - Ciidamada dowladda ayaa soo afjaray weerarkii Al-shabaab ku qaadeen hotel Elite, oo kamid ahaa hotelada ammaankooda aad loo ilaaliyo ee kuyaala xeebta Liido ee magaalada Muqdisho.

8/17/2020 12:49 AM EST
Isniin, Agoosto 17, 2020 (HOL) - Dowlad goboleedka Puntland ayaa ku baaqay in beesha caalamka ka qeyb gasho shirka Dhuusomareeb ee looga tashanayo doorashooyinka Soomaaliya ee soo socda.