Axad, Janaayo, 20, 2019 (HOL)- Taliska Mareykanka ee Africom ayaa war ka soo saaray saartay duqeymihii shalay ka dhacay degaanka Baar-Sanguuni waxaana ay sheegtay in duqeymahaasi lagu dilay xubno badan oo ka tirsan dagaalyahanadda Al-shabaab.
War ka soo baxay taliska Mareykanka ee Qaaradda Africa ayaa lagu sheegay in 52 ka mid ah dagaalyahanada Al-shabaab lagu dilay ka dib markii ciidamada Mareykanka ay ku qaadeen duqeyn jawaab u aheyd weerarkii ay shalay ku soo qaadeen degaanka Baar Saguuni.
Mareykanka ayaa sheegtay in weerarkaa duqeynta ah oo ay ku qaadeen Al-shabaab wax dhibaato ah ka soo gaarin dadka rayidka ah.
Diyaaradaha dagaalka Mareykanka ayaa muddooyinkii dambe waxaa ay kordhiyeen duqeymaha ay la beegsanayaan saldhigyada Al-shabaab ay ku leeyihiin Koonfurta iyo Bartamaha Soomaaliya.
Taliska ayaa sheegay in ay sii wadi doonnaan taageerada ay siiyaan ciidamada dowladda Soomaaliya iyo howlgalada ka dhanka ah Al-shabaab.
C/raxmaan Diini, Hiiraan Online [email protected]