Qaraxyo is xigxigay oo ka dhacay magaalada Muqdisho iyo dabley weerar toos ah geysatay
Sabti, Maarso, 23, 2019 (HOL)-Warar dheeraad iyo faah faahinno ayaa ka soo baxaya
qaraxyo is xig xigay oo goor dhw k dhacay magaalada Muqdisho, iyadoo dabley
hubeysan ay weerareen wasaarradda Shaqada xukuumadda Soomaaliya oo ku taala
Isgoyska Jubba.
Qaraxyada ayaa waxaa loo adeegsaday gaari laga
soo buuxiyay wax-yaabaha qarxa,waxaana xigay rasaas xoogan oo halkaasi laga
maqlay .
Wararka qaar ayaa waxa ay sheegayaan in halkaasi
rag hubeysan ay gudaha u galeen,waxaana goobta ay qaraxyada ka dhaceen ku
yaalla maqaayado iyo xarumo kale.
Gaadiidka gurmadka deg deg ah ayaa haatan goobta
kasoo daabulaya dadkii ku waxyeeloobay qarax-yadaasi.
Wararka ayaa intaasi waxaa ay ku darayaan in uu
qaraxyada ay sababeen khasaaro kala duwan oo isugu jira dhimasho iyo dhaawac.
Xaalada guud ahaan magaalada ayaa u muuqata mid kacsan iyadoo jidadka qaar durbaba ay ciidamadu xireen.;
C/raxmaan Diini,
Hiiraan Online
[email protected]
