Madaxweyne Farmaajo oo Qaramada Midoobey uga mahad celiyay taageeradeeda Soomaaliya
Khamiis, Janaayo, 31, 2019 (HOL)-Madaxweynaha Soomaaliya Maxamed Cabdullaahi Farmaajo ayaa xafiiskiisa ku qaabilay wafdi ay hoggaaminayso u qaabbilsanaha Arrimaha Siyaasadda iyo nabadeynta ee xafiiska xoghaya Qaramada Midoobey Marwo Rosemary A. DiCarlo.
Madaxweynaha ayaa uga mahadceliyey taageerada Qaramada Midoobay ay u fidiyaan Dowladda iyo Shacabka Soomaaliyeed.
Madaxa waaxda siyaasadda iyo dhismaha nabadda Qaramada midoobay DiCarlo ayaa sheegatay in door hoggaamineed ay ka qaadanayaan jaan goynta
qaybaha muuhiimka ah ee dawladda laga caawinayo iyo in Qaramda Midoobay
ay ku taageerto in lagu fuliyo xilliyada lagu tala galay in lagu dhaqan-geliyo.
Rosemary DiCarlo, ayaa ammaantay ajandaha dib-u-qaabaynta dawladda, waxaa ayna ballan qaaday in qaramada midoobay ay teegeero xooggan ku bixinayso dhaqan gelinta halbeegyada Tubaha siyaasadda loo dhanyahay, amniga iyo cadaaladda, horumarinta dhaqaalaha iyo arrimaha bulshada.
Dowladda Soomaaliya ayaa daka ka saartay Wakiilkii gaarka ahaa ee Qaramada Midoobey Nicholas Haysom oo ay ku eedeysay in uu ku xadgudbay madax-bannaanida iyo Qarannimada Soomaaliya.
C/raxmaan Diini, Hiiraan Online
[email protected]