Jaaliyadda Puntland ee Ohio oo taageeray maamulka cusub ee madaxweyne Dani
Isniin, Feberaayo, 04, 2019
(HOL)- Xaflad si weyn loo soo abaabulay oo
ay ka soo qeyb-galeen qaybaha kala duwan ee bulshada Soomaaliyeed ayaa lagu
qabtay magaalada Columbus Ohio.
Xafladan oo ay soo abaabuleen
Jaaliyadda Puntland ohio waxaa lagu taageerayay isbadalka Maamulka Puntland iyo
doorashadii dhawaan ka dhacday halkaasi.
Mudadii ay xafladu socotay qadka
Telfoonka waxaa uga soo qeyb qalay madaxweynaha Puntland Siciid
Cabdilahi Dani oo qurbajoogta Puntalnd ku amaanay doorkooda dhaqaale iyo
siyaasadeed oo sida uu sheegay aan la xaqiri karin,
Waxa uu madaxweynuhu ugu baaqay
qurbajoogta Soomaaliyeed gobol walba oo ay ka soo jeedaan in laga qeyb qaato
sidii Soomaaliya markale u noqon lahayd dowlad xoogan iyo in lala shaqeeyo
maamulada dalka ka jira iyada oo la siinayo talooyin wax ku ool ah.
Masuuliyiintii ka hadlay xaflada oo
aad u badnaa ayaa diirada saaray sida loogu bahanyahay in la taageero isbadal
walba oo dalka horumar u horseedi kara isla markaana laga shaqeeyo sidii is
faham iyo is dhexga bulsho loogu samayn lahaa shacabka Goboladda.
Madaxweyne Dani ayay ku amaaneen
doorkiisa bilowgaa ee dhex dhexaadinta Madaxdda dowladda iyo maamulada dalka ka
jira iyaga oo ku booriyay in uu ku sii dhiirado taabo galinta howlaha Nabadda.
Waxaa xaflada dhankooda qeyb ka ahaa
Fanaanin Soomaaliyeed oo dadka madadaalinayay iyo dhalinyaro soo bandhigtay
ciyaaraha dhaqanka.