Warbixin : Wasiirka Arrimaha dibedda Soomaaliya oo ka hadlay wax-yaabihii ay ka wada hadleen mas’uuliyiinta dowladda Kenya
Axad, Feberaayo, 03, 2019 (HOL)-
Wasiirka Wasaarradda Arrimaha dibedda Soomaaliya Axmed Ciise Cawad ayaa Hiiraan
Online uga waramay kulamo maalmihii ugu danbeeyayba u socday mas’uuliyiin ka
kala tirsan dowladdaha Soomaaliya iyo Kenya.
Wasiirka Cawad oo kulan kula
yeeshay magaalada Mandhera ee gobolka Waqooyi Bari Kenya dhiggiisa dalka Kenya , ayaa sheegay in kulamada dhinac muhiim
ahaayeen iskaashiga, Socdaalka, Ganacsiga, Amniga iyo guud ahaanba xiriirka
labada dowladdood.
Wasiirka ayaa Hiiraan Online u
sheegay in ilaa 13 Wasaarraddood iyo Guddiyo kala kala socday Laamaha Amniga,
xafiiska madaxweynaha iyo ra’iisal wasaaraha oo kulamadan qeyb ka ahaa ka wada
hadlleen qodobo muhiim ah oo ay ka mid ahaayeen :
waxayaalahii laga wada hadlay waxaa ka mid ahaa sidii muwaadintiinta Soomaaliyeed ay Visa la’aan ugu soo gali lahayeen
dalka Kenya oo muhiim u ah dadka Soomaaliyeed,tana waa mid ay codsadeen dowladda Soomaaliya
In Khaadka oo ah ganacsiga ugu
ballaaran oo dowladda Kenya ay u dhoofiso ama iibgeyso Soomaaliya, taa
badalkeeda Soomaalidu dhaafsadaan badeecooyin ay ka mid yihiin Kaluunka iyo
Kheyraadka dhulka ka soo baxa oo loo soo dhoofinayo dalka Kenya si ayuu yiri
fursad ugu noqoto ganacsatada Soomaaliyeed.
Dhinaca Amniga ayuu sheegay in
leysla soo qaaday dagaalka ka dhanka Argagixisada (Al-shabaab) iyo iskaashiga
laga sameeyo sugida guud ahaanba Amniga labada Dal.
Wasiir Cawad ayaa sidoo kale
sheegay in dowladda Kenya ka wada hadleen dhibaatadii loo geystay xarumaha
shirkadda Hormuud oo ay kala hadleen dowladda in mar kale dib u soo laaban
weerarrada noocaa oo kale ah.
Dhaman qodobadan ayaa laga wada hadlay oo kaliya iyadoo aan wax heshiis ah laga gaarin
Ugu danbeyntii mar Hiiraan Online wax ka
weydiisay in kulamadaa leyskula soo qaaday arrinta badda iyo in kale oo siweyn
loo baahan baraha bulshada ayuu Wasiirku si kulul uga jawaabay, arintaa ay hor
taalo maxkamad. Sidaa daraadeed aysan jirin sabab looga wada hadlo, madaama mar
horeba dowladda Soomaaliya cadeysay mowqifkeeda arintaa ku aadan oo ah in lagu
qanco go’aanka maxkamadu arintan ka qaadato oo labada dowladoodba ay hor geeyeen dacwaddooda.
C/raxmaan Diini, Hiiraan Online
[email protected]