Itoobiya oo markii ugu horeysay la wareegtay hoggaanka Howlgalka AMISOM ee Soomaaliya
Jimco, Feberaayo, 01, 2019 (HOL)- Itoobiya ayaa
markii ugu horeysay la wareegtay hoggaanka ugu sareeya taliska howlgalka
midowga Africa AMISOM.
Gen. Tigabu Yilma Wondimhunegn oo u dhashay dalka
Itoobiya ayaa si rasmi ah loogu wareejiyay hoggaanka ciidamada AMISOM ee
Soomaaliya, kaddib munaasabad kooban oo lagu qabtay ama ka dhacday saldhiga ugu
weyn ciidamada AMISOM ee magaalada Muqdisho.
Waxaa uu xilka kala wareegay Lt. Gen. Jim
Beesigye Owoyesigire oo shaqeynayay tan iyo bishii Janaayo 2018.
Guddoomiyaha
Guddiga Midowga Afrika ee Soomaaliya Francisco Caetano Madeira ayaa sheegay in
ay tahay Markii ugu horreysay taliye ka socda Ciidanka Itoobiya lagu wareejiyo
Hoggaanka Guud ee AMISOM.
Tigabu waxaa uu ciidamada itoobiya ka tirsan-yahay
34 sano wuxuuna ka soo shaqeeyay qeybo kala Duwan oo ciidmada ah oo ay ka
mid yihiin Qeybta, Takhaatiirta, Batroolka, iyo Taliyaha Guud.
“Hawlgalku waa mid aad u weyn, laakiin aad baan
ugu kalsoonahay in aad samayn kartid, oo aad leedahay Karti” ayuu yiri Madeira
Itoobiya ayaa qeyb ka ah howlgalka midowga Africa AMISOM waxaana Soomaaliya ka jooga Kumannaan ciidamo ah oo ka howlgala bartamaha iyo Koonfurta Soomaaliya
C/raxmaan Diini, Hiiraan Online
[email protected]
