Mareykanka oo sheegay in 24 dagaalyahan oo ka tirsanaa Al-shabaab ku dilay duqeyn ka dhacday gobolka Hiiraan
Jimco, Feberaayo, 01, 2019 (HOL)- Taliska
Mareykanka ee Africom ayaa war ka soo saaray duqeyn diyaaradeed oo Arbacadii ay
ka fuliyeen deegaan ka tirsan gobolka Hiiraan oo fariisin u ah Ururka
Al-shabaab.
Warka ka soo baxay taliska ayaa lagu sheegay in
ciidamada Mareykanka oo kaashanaya kuwa Soomaaliya ay bartilmaameedsadeen
degaanka Shabeelley oo ka tirsan gobolka Hiiraan.
24 ka tirsan Al-Shabaab ayaa lagu dilay
duqeyntaasi,iyadoo uu burbur soo gaaray saldhiggii ay halkaasi ku lahaayeen
Shabaab.
“Dowladda Mareykanka waxaa ka go’an sii
wadista beegsiga Al-Shabaab si ay uga hor tagaan dhibaatooyinka ay shacabka ku
hayaan,iyadoo sidoo kale mar walba la xaqiijinayo in aan khasaare dhimasho iyo
dhaawacba soo gaarin dadka rayidka ah” ayaa lagu yiri warka kasoo baxay taliska
Mareykanka.
Diyaaradaha dagaalka Mareykanka ayaa wali sii
wada duqeymaha lagu bartilmaameedsanayo saldhigyada Al-shabaab ee bartamaha iyo
Koonfurta Soomaaliya.
C/raxmaan Diini, Hiiraan Online
[email protected]