Xaliimo Yareey oo faah faahin ka bixisay nooca doorashada ka dhaceysa dalka 2020-ka
Jimco, Maarso, 23, 2018 (HOL) - Guddoomiyaha Guddiga Madaxa bannaan ee
doorashooyinka Qaranka Soomaaliya ayaa sheegtay inay aad ugu kalsoonyihiin ka
Guddi ahaan shaqada ay qabteen, iyadoo tilmaantay in wixii hadda ka horreeyay
aysan jirin wax dhaqaajiyo ama sameeyo daba gal, balse haatan ay dhisan yihiin
Tiirarkii loo baahnaa maaddaama howshan ay iyaga u taallo.
Xaliimo yareey oo u warramaysay Laanta Afka Soomaaliga ee VOA-da ayaa intaa
ku dartay in dhaqaalo dhan ka badan $129 Million oo doollar ah ay ku bixi
doonto qabashada doorashada la qorsheynayo inay ka dhacdo Soomaaliya Sanadka
2020-ka.
Doorashada ayay sheegtay inay noqon doonto Hal Qof iyo Hal Cod, waxayna
intaa raacisay in nidaamka doorashada nooca uu yahay lagu qeexi doonaa shirka
28-ka Maarso la filayo inuu ka dhaco Magaalada baydhabo, iyadoo go’aankeedana
ay leeyihiin madaxda Qaranka.
Guddoomiyaha ayaa ugu danbeyntii sheegtay in ay ka qayb qaadan doonto cid
kasta oo Soomaali ah oo buuxisa sharuudaha loo baahan yahay, xaqna u leh in ay wax doorato, waxayna intaa raacisay inay
haatan ku gudo jiraan diyaarinta qaabka ay noqonaysao doorashada, taasoo ay la
wadaagi doonaan Madaxda dalka Soomaaliya.
C/raxmaan Diini, Hiiraan Online
[email protected]