Guddiga difaaca baarlamaanka oo ka digey in xiisada jirta saameyn ku yeelato howlaha Amniga
Jimco, Maarso, 23, 2018 (HOL)-Guddiga Difaaca ee Baarlamaanka Soomaaliya
Federaalka Soomaaliya ayaa sheegay in xiisada siyaasadeed ee ka dhalatay
mooshinka ka yaalla Guddoomiye Jawaari aanay marna jahwareer ku keenin sugida
amniga.
Sadiiq Warfaa oo ka mid ah xubnaha Guddiga Difaaca Golaha Shacabka ayaa
sheegay in arrinta Mooshinka ay hor-taallo Golaha shacabka, isla markaana si
dastuuri ah lagu dhameyn doono.
“Arrinta Mooshinka iyo khilaafka jira waxaa lagu kala bixi doonaa dastuurka,
waxaa rajeynayaa in jahwareer uu gelin ciidamada amniga, in siw adajir ah loo
sugo amniga, anagana waa garab taaganahay”ayuu yuri Sadiiq Warfaa.
Sadiiq Warfaa ayaa sheegay in ay nasiib darro aheyd qaraxii shalay ka dhacay
magaalada Muqdisho, isagoo ugu baaqay Hey’addaha amniga inay feejignaan iyo
taxadar muujiyaan.
Maalintii shalay ayay aheyd markii qarax uu ka dhacay Wadada Maka
al-Mukarama, kaasoo ay ku naf waayeen dad fara badan oo shacab ahaa.
C/raxmaan Diini, Hiiraan Online
[email protected]
