Jaamacada SIMAD oo Dawo ugu deeqday dadkii ay wax-yeelladu ka soo gaartay Fatahaadda Beledweyne
Talaado, May, 22, 2018 (HOL) – Iyadoo
uu soconayo gurmad ballaaran loogu tala-galay in lagu caawiyo dadka ay
wax-yeelladu ka soo gaartay daadadka iyo fatahaada ku dhufatay qeybo ka mid ah
gobollada dalka, ayeey Jaamacada SIMAD
dawo ugu deeqday dadka ay wax yeelladu ka soo gaartay Fatahaada ku dhuftay
dhawaan magaalada Beledweyne.
Gudoomiyha
Jaamacadda SIMAD Daahir Xasan ayaa ku wareejiyay guddiga 98 kartoon oo isugu
jira daawoowinka loogu talagalay in lagula tacaalo cudurrada ay suurta-galka
tahay in ay ka dhashaan daadadka.
“Fatahaada mar walba waxaa daba socda cuduro dilaaca marka biyuhu
guraan sababana in waayeelka, hooyooyinka iyo ilmaha yar ee u nugul cudurada ku
wax-yeeloobaan bakteeriyada ka dhalata Fatahaadka ayuu yiri ‘’ Daahir.
Dawada
ay SIMAD ugu tala-gashay in ay uga qeb-qaadato gurmadka socda koobeyd 98
Kortoon ayaa isugu jira dawooyinka
lagula tacaalo cudurada shubanka,
burukiitada, nafaqa daradda iyo xumadda, oo ah inta badan cadurrada dadka soo
rita xiliyadan oo kale.
Wasiir
ku xigeenka Wasaaradda Dastuurka Dr Xusseen Cabdi Cilmi iyo Xildhibaan Farxiya Muumin
oo ka hadlay munaasabad dawadaan lagula wareejinayay guddiga gurmadka ayaa ku
amaanay Jaamacadda SIMAD sida ay mar walba uga qayb qaadato gurmadka
masiibooyinka.
Dhakhaatiir iyo Xubno ku socday guddiga gurmadka Fatahaadaha ayaa ka qayb galay munaasabadda, iyaga oo dhiiri-galiyay isku tashi bulshada dhaxdeeda ah, taa oo looga maarmo karo in gacmo kale wax laga sugo.
Fatahaadaha
Wabiyada Shabeelle iyo Jubba ayaa saameyn ku yeeshay qoysas fara badan, iyadoo meesha ugu
badan ee fataahada wabiga ka geystay ay tahay magaalada Beledweyne ee gobolka
Hiiraan oo in ka badan boqol kun oo qoys ay ka barakaceen.
C/raxmaan
Diini, Hiiraan Online
[email protected]