Dhalinyaro Soomaaliyeed oo lagu dilay magaalada London
Talaado, May, 22, 2018 (HOL) -Cismaan
Shidane oo 20 sano jir ahaa ayaa ku geeryooday Isbitaal ku yaala magaalada
London saddex cisho kaddib markii dad aan la garaneynin dhowr jeer Toorey ku
dhufteen isaga oo ku sugnaa waqtigaa dhisme laga tukaameysto oo lagu magacaabo RUISLIP.
Dillkan ayaa qeyb ka noqonaya
dilal 72saac ee la soo dhaafay ka dhacay qeybo ka mid ah jidadka magaalada London
, kuwaa oo loo adeegsaday Tooreey.
Nasteexo Shidane oo 17 sano
jir ah waxaa ay ka mid tahay carruurta ay walaalaha ahaayeen Cismaan Shidane
waxaa ay sheegtay in uu ahaa qof qoyskiisa taageera, wuxuu lahaa Xaas, iyada oo intaa raacisay in uu ahaa qof
daryeel iyo naxariis badnaa.
Shidane waxaa uu ku dhashay
dalka Denmerk laakiin waxaa uu ku noolaa
magaalada London ee dalka Britain muddo ku dhan 15 sanadood.
Sidoo kale waxaa meydkiisa la
helay nin Soomaali ah oo lagu magacaabo Cabdiraxmaan Jaamac oo 24 jir ahaa, kaa
oo korkiisa lagu arkay dhaawacyada tooray dilkiisa loo adeegsaday.
Ma’aha markii ugu horeysay oo
sidan oo kale dhalinyaro Soomaaliyeed lagu bartilmaameesado qaar ka mid ah
wadamadii ay haajireen, waxaana uu
dilkan qeyb ka noqonayaa dilal dhowr ah oo marar kala duwan dhalinyaro
Soomaaliyeed loogu geystay dalka Britain.
C/raxmaan Diini, Hiiraan Online
[email protected]
