Magaaladda Berbera iyo Bullaxaar oo dad badani ka qaxeen guryahoodii Roobabka ka da’aya awgeed
Axad, May, 20, 2018 (HOL) – Magaalooyinka
Xeebaha ee Berbera iyo Bullaxaar ayaa la sheegayaa inay biyo badan buux
dhaafiyeen magaalooyinka dhexdooda, kuwasi oo galifay inay dadkii ka qaxaan
guryahooddii.
Magaalada Berbera hal qof ayaa ku dhintay ka dib
markii uu guri ku soo dumay, sidoo kale in ka badan sagaal boqol oo qof ayuu
barakiciyey oo ka qaxay guryahoodii kaddib markii daadad ugu soo galeen
guryaha, kuwaas oo aan haysan cunto iyo dhar ay dhaxanta ka xidhaan.
Berbera xaafaddaha qaar ayaa baddiiina ku soo
jabtay roobkii cirka ka da’ayeyna buux dhaafiyey guryahoodii, kuwaas oo gurmad
u baahan, inkastoo maamulka gobolku sheegeen inay dadkii ka daad gureeyeen
goobihii biyuhu ku soo tafaheen.
Magaaladad Bullaxaar iyo Ceel sheekh ayaa la
sheegay inay go’doonsan yihiin ka dib markiii daadad faro badan gooyeen
jidadkii loo marayey, isla markaana dadkii deganaa ku soo urureen masaajid meel
sare ku yaalla, waxaana wararku intaas ku darayaan in biyo badan ku soo jabeen
magaaladda, taas oo dadkii caruurtii uun kala baxay balse wixii raashin ah iyo
dhar ahba ka yaaceen, dadkaasi oo u baahan in loo gurmado madaama oo hal meel
iskugu soo urureen, wallow jidkii loo marayeyna xidhan yahay.
Barkhad-ladiif M. Cumar, Hiiraan Online
[email protected]
Hargeysa, Somaliland.