Magaalada Qardho oo qeybo ka mid ah daadad ku fataheen
Sabti, May, 19, 2018 (HOL) – Roobab dabeylo wata
oo saacadihii ugu danbeeyay ka da’ayay deegaanno ka tirsan Puntland ayaa lagu
waramayaa in ay sababeen in daadad ku soo rogmadaan qeybo ka mid ah magaalada
Qardho ee gobolka Karkaar..
Maamulka gobolleedka Puntland oo horay digniinno
uga soo saaray dableylahan iyo roobabka wada socda, ayaa sheegay in sida ugu
dhaqsiyaha badan loogu gurman doono dadka ay daadaadku saameeyeen ee ku dhaqan
magaalada Qardho.
Maalintii shalay ayeey aheyd markii ay labo ruux
ay ku dhinteen biyo qaada gaarigii ay la socdeen inta u dhaxeysa magaalooyinka
Boosaaso iyo Garoowe.
Hay’addaha Qaramada Midoobey ayaa horay kaga digay Dufaano xoog leh oo kusoo
wajahan degaanada maamulada Somaliland iyo Puntland.
Duufaantan oo loogu magac daray Sagar ayaa qeyb ka ah dabeylaha loo yaqaan
Maansoonka, gaar ahaan waxey ka soo farcantay sida ay baahiyeen qaar ka mid ah
wargeysyada Carabta duufaan weyn oo loo bixiyay One oo ka soo kacday waqooyiga
Badweynta Hindiya.
C/raxmaan Diini, Hiiraan
Online
[email protected]
