Koobkii Ciyaaraha Columbus 2018 oo shalay la soo gabagabeyey
Isniin, Apriil 2, 2018 (HOL)-Waxaa magaalada
Columbus ee gobolka Ohio lagu soo gabagabeeyay ciyaarihii xagaaga oo Khamiistii
hore uga bilowday dhalinyaro Soomaaliyeed oo ka kala socotay qaar ka mid ah
gobolada dalka Mareykanka Iyo Canada iyo waliba dhalinyarada cuslaatay.
Ciyaarahaan oo ahaa Kubada Cagta ayaa la
qabtay sanadkii 18aad oo ay ka dhacayeen magaaladan Columbus Ohio, ciyaartoyda
kulmay ayaa waxey kala ahaayeen 16 Kooxood waxaana shalay finalka wada ciyaaray
kooxaha Midnimo Minnesota iyo Halgan Minnesota.
Qaybtii hore ciyaarta wax goolal ah layskama dhalin ,markii koox
walba ay la soo tashadeen macalimiintooda ayaa ciyaar aad loo jeclaystay ay soo
bandhigeen nadiijadii cyaarta ayaa ku soo gabagabooday 3 gool oo Halgan
keensatay iyo 2 gool oo midnimo ay dhalisay, waxaa sanadkaan koobka qaatay
kooxda Halgan MN,
Dhalinyarada yaryar waxaa ku guulaystay
Kooxda Columbus Youth halka kaalinta 2aad ay ka galeen dhalinyarada Jubba
Atlanta.
Sanadkaan waxaa lagu casuumay tartankaan oo
ka soo qaybgaly qaar ka mida ciyaartooyda waawayn ee dalkeenu lahaa sida
Maxamed Ismail Siteey loo yaqaan oo ka yimi Ingiriiska iyo Mukhtaar Maxamed
Axmed Cuti oo isaguna Toronto ka yimi.
Siyad Said Salah
Hiiraan Online
