Xildhibaanno la baxay madasha horusocod oo sheegay in aysan mucaarad ku aheyn dowladda
Khamiis, May,18, 2017 (HOL)- Kaddib kulan maanta ay ku yeesheen magaalada
Muqdisho xildhibanno la baxay madasha Horusocod ayeey ku beeniyeen in ay yihiin
xildhibaanno mucaarad ku ah dowladda.
Xildhibaannadan oo ku shiray hotelka Guest House ee magaalada Muqdisho ,
ayaa sheegay in ujeedada madasha iyo qorshuhu yahay in laga hortago qabyaaladda
islamarkaana lagu joojiyo ,waxaana ay ku dareen in aysan iyaga ahayn dowlad dumis.
Madashan ayeey sheegeen in ay tahay madal ay leedahay ummadda Soomaaliyeed islamarkaana
uu ka qeyb geli karo qofkasta oo Muwaaddin Soomaaliyeed ah.
C/rashiid Max’ed Xidig oo shir guddoominayay kulankaasi ay yeeshen xildhibaanada
madasha horay u socod, ayaa waxaa uu sheegay in markasta muhiim ay tahay in
laga gudbo nidaamka 4.5 loona gudbo nidaam Soomaalida oo dhan si isku mid ah
wax ay ku qaybsanayaan.
Ilaa Bisha July ayey sheegeen in ay madashan furan tahay,waxaana ay
ujeedadoodu ku sheegeen in laga gudbo qabyaaladda loona gudbo hannaanka
Axsaabta,madashana loo dhisay in ay muujiso kaliya dhaliilaha togan ee
dowladda.
Xildhibaanadan ayaa maalmo ka hor Nairobi kaga dhawaaqay madashan cusub,
taasi oo dareen galisay madaxda dowladda, maadaama xubnaha hormuudka u ah
madashan qaarkood ay horay u waayeen xilal dowladeed oo ay u tartameen.
C/raxmaan Diini, Hiiraan Online
[email protected]
