Ciidanka Amniga Somaliland oo xalay goor dambe gurigiisa kala baxay Wadaad ka caan ah Hargeysa
Arbaco, September, 06 2017 (HOL)-
Ciidamada amniga Somaliland ayaa xalay hawlgal ay sameeyeen ku soo qabtay Sheekh
Aadan Cabdiraxmaan Warsame (Aadan Sunne) oo lagu eedeeyey inuu ku kacay falal
amniga ka dhan ah.
Taliye ku xigeenka Cabdiraxmaan
Liibaan Fooxle ayaa sheegay in wadaadkan ka hor yimid dhallinyaro dhawaan lagu
qabtay iyagoo ku gudda jira tababar dab shid ah oo loogu tababarayey in ay falal
argagixiso ah ka fuliyaan Somaliland, waxaanu sheegay in dhalinyaro aan waxba
gaysan la iska xiray.
“Ciidamada amnigu waxay hawlgal ku
soo qabteen xalay Sheikh Aadan Cabdiraxmaan Warsame (Aadan Sunne) oo khatar ku
hayey amniga qaranka iyo shacabkaba, isagoo abaabulay kana been sheegay hawlgal
ciidanka boolisku ku soo qabteen dhalinyaro badan oo tobabaro ku samaynayey
duleedka magaaladda looguna tallogalay inay fuliyaan falal qaranka ku liddi ah”ayuu
yidhi taliye ku xigeenka booliska Fooxle.
Taliye ku xigeenku waxaa kale oo
uu sheegay in xalay markii la qabanayey wadaadkan uu iska caabin kaga hor yimid
ciidamada isagoo soo abaabulay dhalinyaro ciidamada shiid iyo dhagaxaan kala hor
yimid.
Si kastaba ha ahaatee, ciidanka
booliska ayaa sheegay in hawlgal ay toddobaadyadan samaynayeen ku soo
qabqabteen dhalinyaro looga shakisan yahay inay doonayeen inay hawlgalo
argagaixiso ah ka fuliyaan magaaladda, waxaanay sheegeen in maxkamadda sharciga
la hor geyn doonno.
Wadaadkan Sheekh Aadan Sunne ayaa
dhawr jeer oo hore la xdihay, iyagoo lagu eedeeyey inuu waddo khalkhalgalin
amni.
Barkhad-ladiif M. Cumar,
Hiiraan Online
[email protected]
Hargeysa, Somaliland.