Dowladda Mareykanka oo si adag u cambaareysay Waqooyiga Kuuriya
Axad, September, 03, 2017 (HOL) – Dowladda Mareykanka ayaa si adag
Waqooyiga Kuuriya oo tijaabisay hub Nukliyeer ah, waxaana ay cambaareyntan qeyb
ka noqoneysaa dhaleeceen is daba joog ah oo loo jeedinayo Kuuriyada Waqooyi.
Pyongyang ayaa sheegtay in ay si guul ah u tijaabisay Bam Nukliyeer ah oo ay
xambaari karaan gantaalada ridada dheer.
Donald Trump madaxweynaha dalka Mareykankaa, ayaa bartiisa Twitterka soo
dhigay in “hadallada iyo ficillada” Kuuriyada Waqooyi ay yihiin “kuwo colaad
hurinaya oo qatar ah”
Waxaa muuqata in hadda Kuuriyada Waqooyi iska dhaga tireyso cunaqabateynta
Qaramada Midoobay iyo cadaadiska caalamiga ah ee ku aaddan hubka nukliyeerka ah
ee ay sameysanayso iyo tijaabooyinka ay ku sameynayso gantaallada ay suuragalka
tahay inay gaaraan Mareykanka.
Kuuriyada Koonfureed, Shiinaha iyo Ruushka ayaa dhammaantood si xooggan u
dhaleeceeyay tijaabada lixaad ee nukliyeerka Waqooyiga.
C/raxmaan Diini,
Hiiraan Online
[email protected]
