Ciidamada dowladda oo dib ugu laabtay deegaanka Buula-Gaduud
Axad, September, 03, 2017 (HOL) – Xaalad
degenaasho ayaa ka jirta deegaanka Buula-Gaduud ee gobolka Jubbada Hoose oo subaxnimadii hore ee saakay ay weerar ku
qaadeen xoogagga ka tirsan Al-shabaab.
Dagaalamayaash Al-shabaab ayaa Subaxnimadii hore ee saakay waxaa ay weerar
culus ku qaadeen saldhig ay ciidammada
dowladda Soomaaliya ku leeyihiin deegaanka Buulo-Guduud oo qiyaastii 30 km
dhinaca waqooyi uga beegan magaalada Kismaayo.
Goob joogayaal
ayaa warbaahinta u sheegay in ay maqleen qaraxyo waaweyn oo loo malaynayo in uu yahay gaari walxaha
qarxa laga soo buuxiyay in marka hore xerada lagu weeraray, iyadoo intaa
kddibna ay bilaawdeen hub culus oo labada dhinac ay isweydaarsadeen.
Al-Shabaab ayaa sheegatay in saldhigaasi uu ku dishay in
ka badan 20 askari, halka ay sheegteen in saddex gaari oo nooca dagaalka ah ay
halkaasi ka qaateen.
Ilaa iyo haatan
ma jiro wax war ah oo ka soo baxay dhinaca ciidammada dowladda Soomaaliya
ee uu saldhigoodu ahaa deegaanka Buula-Guduud.
C/raxmaan Diini,
Hiiraan Online
[email protected]
