Deeqbixiyayaasha oo isku raacay in la taageero ciidamada AMISOM
Sabti, Maarso, 04, 2017 (HOL) - Deeqbixiyeyaasha caalamka ayaa
ballanqaaday in ay sii wadaayaan taageerada ciidamada howlgalka midowga Afrika
ee Soomaaliya (AMISOM) si loo dejiyo Soomaaliya loogana hortago weerarro
argagixisada.
War qoraal ah oo ka soo baxay
howlgalka ayaa lagu sheegay in deeqbixiyeyaasha caalamka ay balan
qaadeen in ay kordhinayaan taageerada ay siiyaan ciidamada AMISOM si ay u soo
celiyaan nabadii iyo sidoo kale horumarki lagu aqoon jiray Soomaaliya.
Francisco Madeira, ergeyga gaarka ah
ee guddoomiyaha komishanka midowga Africa ee Soomaaliya, ayaa sheegay in AMISOM
ay ku guuldareysatay in samatabbixinta qaar ka mid ah ujeedooyinka
loo Aasaasay waxaana uu sheegay in ay sababta tahay dhaqaallo daro haysata ciidamada
AMISOM.
“Ciidamada AMISOM waxaa caqabad ku
ah helid la’aanta maalgelin wanaagsan , waxaana AMISOM hadda ay la kulmeysa
dhibaatooyin ka dhanka dhaqaalaha ah” ayuu yiri Francisco Madeira.
Waxa uu ugu baaqay beesha caalamka
inay sii wadaan taageerada howlgalka.
Qaar ka mid ah Madaxda deeqbixiyeyaasha
caalamka ayaa ammaan ballaaran u soo jeediyay ciidamada AMISOM oo ay sheegeen
in ay wax badan ay ka qabteen ammaanka Soomaaliya.
Sidoo kale waxaa ay sheegeen in ay
sii wadi doonaan mashaariicda iyo sidoo kale maalgelinta Ciidamada AMISOM.
Ugu danbeyntii, 10 Sano ayay joogaan
Soomaaliya ciidanka AMISOM waxaana lagu eedeeyaa in aysan wax badan ka qaban
shaqooyinkii loo igmaday.
C/raxmaan Diini, Hiiraan
Online
[email protected]