Kalkaaliso caafimaad oo u dhimatay dab la qabadsiiyay
Arbaco, Maarso, 15, 2017 (HOL) - Kalkaaliso
caafimaad oo reer Israa'iil ah ayaa dhimatay ka dib markii nin bukaan ah uu dab
ku qabadsiiyay Holon oo ku taalla Koonfurta Tel Aviv.
Tova Kararo oo 56 sano jir ah ayaa dareere dabka durba qabsado lagu shubay
dabna la qabadsiiyay kadib markii uu muran dhex maray bukaan aan ku
qanacsanayna adeegga la siinayo sida uu sheegay sarkaal sare oo ka tirsan
booliiska.
Ninka laga shakisan yahay oo da'da todobaaatameeyada ku jira ayaa isaga
cararay goobtii laakiin markii dambe ayaa la soo qabtay.
Shaqaalaha caafimaadka ee Israa'iil ayaa qorshaynaya in ay shaqo joojin labo
saac ah ku dhaqaaqaan Maanta oo Arbaco ah si ay u muujiyaan walaca ay ka qabaan
dhibaatooyinka ka soo gaara xirfadooda.
Warbaaahin badan oo Israa'iil laga leeyahay ayaa ku warramaya in qofka dilka
gaystay uu ka mid yahay dadkii ka badbaaday dagaalkii holocaust uuna qabay
xanuunno dhanka dhimirka ah
Ugu danbeyntii Sigal Bar Tzvi oo ka mid ah saraakiisha booliiska ee deegaanka uu dhibku ka
dhacay ayaa sheegay in ninkaasi uu yimid xarunta caafimaadka isla markaasna
uusan ku faraxsanayn sidii loo dawaynayay.
C/raxmaan Diini, Hiiraan Online
[email protected]