Yurub: Maxkamad sheegtay in sharkadaha shaqaalahooda u diidi karaan xirashada Niqaabka
Talaado, Maarso ,14, 2017 (HOL)- Maxkamadda ugu
sarraysa Yurub, ayaa xukuntay in dadka loo shaqeeyeyaasha ahi ay xor u yihiin
in ay shaqaalahooda ka mamnuucaan "xirashada wax kasta oo noqon kara
calaamad siyaasadeed, mid falsafadeed ma mid diineed oo muuqata" waxaana
ka mid ah xijaabka.
Laakiin sida ay sheegtay Maxkamadda Cadaaladda Yurub (ECJ), mamnuuciddan
ayaa ay tahay in lagu saleeyo sharciyada u gaarka ah shirkadaha xeerarkoodu
dhigayaan in shaqaaluhu xidhaan "lebis dhexdhexaad ah".
Laguma salayn karo rabitaanka macaamiisha, ayeey tidhi maxkamaddu.
Waa go'aankii u horreeyey ee maxkamaddu ka gaadho in lagu shaqo tegi karo
xijaabka.
Xukunkan Maxkamadda Cadaaladda Yurub wuxu ka dhashay dacwad ay gudbisay
haweeney shaqadeeda looga eryey in ay xidhnayd xijaabka oo u shaqayn jirtay
shirkadda G4S ee dalka Belgium.
Maxkamadda sare ee Belgium ayaa dacwadan hore ugu gudbisay maxkamadda ugu sarraysa
Yurub si ay talo sharci uga bixiso.
Xigasho BBC
C/raxmaan Diini, Hiiraan Online
[email protected]
