Qashin buuro isku badalay oo dilay 50 ruux dalka Itoobiya
Isniin, Maarso, 13, 2017 (HOL) – Ugu yaraan 50
ruux ayaa ku dhintay qashin qub sida buuraha noqday oo dusha ka maray guryo ku
yaalla duleedka caasimadda Itoobiya ee Addis Ababa, sida ay saraakiishu
sheegeen.
Waxaa kale oo ay sheegeen in wali la la’yahay tiro dad ah tan iyo markii uu
qashinkaasi ku habsaday dadka Sabtidii, dadka degaanku waxay sheegeen in ay
halkaas ku sugnaayeen 150 ruux, marka uu shilku dhacay.
Qashinka oo aad u badnaa ayaa aasay guryo halkaas ka dhisnaa oo macmal ah
kuwaa oo ka hoos dhisnaa qashinka oo noqday buuro is dulsaaran.
Qashinka ayaa la sheegay in goobta lagu qubiyay mudo ka badan 50 sano sida ay
sheegeen dadkii la socday aritan.
Afhayeen u hadlay magaalada ayaa wakaaladda wararka ee AP u sheegay in
carruur badan ay ka mid yihiin dadka halkaas ku dhintay.
Ugu danbeyntii, waxaa laga cabsi qabaa in dhimashada ay intaas ka sii badan
karto, waana shilkii ugu la yaabka badnaa, madaama qashin buuro isku badalay ay
ku dhinteen tiro ka badan 50 ruux.
C/raxmaan Diini, Hiiraan Online
[email protected]