Kooxda Daacish oo ku go’doonsan magaalada Mousil
Isniin, Maarso, 13, 2017 (HOL) – Dowladaha Mareykanka iyo Ciraaq ayaa
sheegay in dagaalyahanada kooxda Daacish ee ka dagaalamayey waqooyiga Mosul la
hareereeyey, kadib marki ay ciidamada Dowlada Ciraaq qabsadeen wadadi ugu
danbeysay ee looga baxo magaalada.
Ergayga Mareykanka ee la dagaalanka ISIS Brett McGurk, oo Axadi wariyaasha
kula hadlay magaalada Baghdad, ayaa sheegay in maleeshiyada Daacish ay
go,doomeen.Wuxuu sheegay inuusan qofna ka bixin magaalada isla markaana ay
halkaasi ku dhima doonaan.
Taliyaha ciidanka Ciraq General Abdul Amir Rashid Yarallah ayaa sheegay in
ciidanka la dagaalanka aragagixisada ay isku fididyeen dhinaca magaalada duqda
ah ee farasmagaalka Mosul.
Ciidamada Iraq ayaa qabsaday dhinaca bari ee magaalada Mosul bishii Janaury
ee sanadkaan.
Qaraamda Midoobay ayaa Sabtdii sheegtay in dad lagu qiyaasay 5,000 oo ruux oo
rayid ah ay maalin walba ka barakacaan goobaha ay colaadu ka jirto ee magaalada
Mosul, tan iyo marki ay ciidanka dowlada bilaabeen howlgalka ay ku wada
qabsanayaan magaaladaasi sadex todobaad ka hor.
C/raxmaan Diini, Hiiraan Online
[email protected]