Wasaarada Beeraha oo ka deyrisay xaalada maaliyiin ruux oo Soomaali ah oo ay haleeshay abaarta
Axad, Maarso, 12, 2017 (HOL) – Iyadoo guud ahaanba Soomaaliya hadal heynta
ugu badan tahay xaalada abaarta darran ee ka jirta qeybo badan oo ka mid ah
dalka Soomaaliya, ayaa waxaa arintan ka hadashay wasaaarrada beeraha xukuumada
Soomaaliya oo sheegtay in shan miliyan oo Soomaali ah oo la dhibaateysan
xaalada abaarta.
Sii hayaha xilka wasiir ku-xigeenka beeraha Soomaaliya Cabdisiis Saalax
Carmaan ayaa warbaajinta u sheegay in xaalad adag oo dhinaca nolasha ah
wajahayaan maaaliyiin oo reer guura ah kuwaa oo ay ka dhamaadeen xoolihii ay
dhaqanayeen iyo guud ahaanba wixii beere ah oo ay tabcanayeen.
Mar uu soo hadal qaaday doorka wasaarada ee abaarta dadka iyo duuniyada
saameysay ayuu sheegay in ay socdaan dadaalo la doonayo in dadkan loogu
gurmado.
Dhinaca kale, qeybo ka mid ah gobollada dhexe dalka Soomaaliya ayaa laga soo
sheegayaan in ay abaarta iyo cuduro ka dhashay ugu dhinteen afar ruux isugu
jira caruur iyo dad waayeel ah.
Sidoo kale QM ayaa dhinaceeda ka deyrisay abaarta ka jirta Soomaaliya taasoo
keentay in todobaadkii hore uu booqasho ku yimaado Soomaaliya xoghayaha guud ee
QM Antonio Guterres.
C/raxmaan Diini, Hiiraan Online
[email protected]