Shirkadda Isgaadhsiinta GOLIS ayaa 50,000 Doolar ku wareejiyey gudiga abaaraha gobolka Sool
Arbaco, Marso, 01, 2017 (HOL) - Shirkada Isgaadhsiinta Golis ayaa deeq lacag oo dhan 50,000
oo Dolarka Mareykanka ah soo gaarsiisey gudiga abaaraha Gobolka Sool.
Madaxa Shirkada GOLIS ee gobolka
Sool Sheekh Aadan Cali Nuur ayaa gudiga abaaraha ku wareejiyey lacagtaas isagoo
sheegay in ay ugu talagaleen dadka dhiban ee abaaruhu saameeyeen in biyo loogu
dhaamiyo.
"Waxanu ugu tala galay in aanu
wallaalahayaga dhibaataysan aan la qaybsano dhibta haysata, maaha mid aanu
amaan iyo xayeysiis uga jeedno" sidaa waxaa yidhi Sheekh Aadan oo intaas
raaciyey in wixii soo kordha ay u wada joogaan.
Gudoomiyaha Gudiga Abaaraha gobolka
Sool iyo Buuhoodle Sheekh Maxamed Saleebaan ayaa si weyn ugu mahad
celiyey shirkada GOLIS waxaanu ugu duceeyey in Illaahay halka ay ka soo bixiyeen
wax ka badan uu ugu bedelo;
Qaar badan oo ka mid ah waxgarad iyo
Culimo oo halkaasi ka hadlay ayaa waxay shirkada Golis ugu duceeyen talaabada
ay qaaday waxaanay ugu baaqeen in shirkadaha kale ee aan ka qayb qaadan hawlaha
abaarahu ay u kacaan dadkooda.
Deeqdan ayaa ku soo beegmaysa xili
xaaladii ugu ba'nayd ee abid soo marta degaankan oo ay la wadaagaan guud ahaan
dhulka Soomaalidu ku nooshahay ayaa gudiga abaaraha waxaa ku soo dhacaya
eedaymo badan halka iyagana ay sheegayaan deeqaha ay helaan iyo baahiyaha jiraa
inay kala badan yihiin.
seynab Cabdi Warsame
[email protected]
Laascaanood G. Sool