Laascaanood : Dadka abaarta ka soo barakacay oo ka cabanaya amarka soo baxay Soomaaliland
Isniin, June, 12, 2017 (HOL) - Wareegto uu wasiirka arimaha gudaha Somaliland uu ku
mamnuucay xeryaha dadka cayrtoobay ay samaysteen meelaha miyiga ah ayaa waxaa
soo baxaya walaac ay ka muujinayaan qaar badan oo ka mid ahdadka abaaruhu
saameeyeen.
"Waxaa noo yimid ciidan iyo
madax la socota waxaana nalagu amray in aan ka guuro meeshii aan deganayn, ma
jirto wax talo ah oo nala weydiiyey, ee ma yeelasaan ayaa nalagu ydhi dad maato
ah oo ciidan dultban yihiina haa ayay dhaheen" sidaa waxa yiri mid ka mid
ah dadka ku sugan kaamka Ceel-midgaan.
Sidoo kale Xaawo Maxa’uud oo aan
kula kulanay magaalada Adhi-Cadeeye ayaa waxa ay sheegatay in ay haysatey 10
neef "Maaha hanti loola bixi karo miyi mana haysto hanti aan magaalo ku
dego dee Ilaah baan leeyahay" ayeey sheegtay.
Talaabada Maamulka gobolka qaadeen
ayaa salka ku haysa badbaadinta degaanka iyo baajinta colaad baahda oo ka
dhalan karta degaamaynta xeryaha dadka caydhoobey taas oo horaantii abaarta
dhawr meelood ka oogsatey laakiin lagu qaboojiyey inta abaarta ayay
deganaandoonaan;
Waxaase si aad ah laysu weydiinayaa
wadada loo maray ee lagu baabiiyey taas oo aan saamaxayn in ay ishelaan
barakacaha iyo cidii caawinaysey maadaama aan si toos ah halmeel loogu rarin ee
qofkasta la amray meesha uu doono in uu u guuro, taasina waxa ay ka cadhaysiin
kartaa kuwa wax taakuleeya oo haatan gacan weyn siiya dadka abaartu xoolo
tirtay.
Dhinaca kale waxaa jira dad badan oo
xoolo wanaagsan u soo laabteen oo degan meelaha barakacayaasha ka dib markii ay
la qabsadeen caydhnimadana ay xoolohoodii neceen ama ay dayacmeen taasina
baabiinta kaamamku dan ayay u tahay sida baadhis la sameeyey ay
tilmaamayso.
Si kataba ha ahaatee waxaa si aad ah
laysu weydiinayaa dhibaatada soo wajihi karta ka dhibaataysan ee meel uu
ciirsadaa aanay jirin,
Seynab Cabdi
[email protected]
Laascaanood
