Dacwad Ooge shaqadiisa ku waayay kaddib markii uu telleefoon ka qaban waayay Donald Trump
Isniin, June, 12, 2017 (HOL)-
Dacwad Ooga sare oo heer faderaal ah oo ka shaqeeynaya magaalada New York ayaa
shaaciyay in Trump uu shaqada ka eryay kaddib markii uu uu madaxweynuhu wakhtiyo kala duwan
talleefoon aan caadi ahayn kula soo xiriiray.
Preet Bharara ayaa warbaahinta ABC News u sheegay todobaadkan in uu dareemay
in talefannadii Trump ay ka soo tallaabeen xayndaabkii caadiga ahaa ee u
dhaxeeyay mas’uuliyiinta sare iyo dambibaareyaasha madaxa-bannaan.
Bharara ayaa sheegay in shaqada laga eryay kadib markii uu diiday in uu
markii saddexaad taleefan ka qabto madaxweynaha.
Aqalka Cad ee looga arrimiyo dalka Maraykanku durba kama uusan jawaabin
eedayntaas.
Bharara oo uu magacaabay madaxweyne Obama ayaa sheegay in ay u muuqatay in
madaxweyne Trump uu rabay in uu xiriir la samaysto kadib markii ay kulmeen
dhammaadkii sannadkii 2016kii.
Laakiin wuxuu sheegay in uu dareemay in aysan "habboonayn" kadib
markii uu madaxweynuhu xilka la wareegay.
"Toddobo sano iyo bar aan shaqadaas hayay marna ima soo wicin
madaxweyne Obama" ayuu yiri.
Source BBC
C/raxmaan Diini, Hiiraan Online
[email protected]