Dowladda Kenya oo qabatay qaraxyo iyo raggii waday
Isniin, June, 12, 2017 (HOL) – Howlgal
ballaaran oo ay isk kaashadeen ciidamada sirdoonka Soomaaliya iyo kuwa Kenya
ayaa lagu waramayaa in lagu qabtay Lix ruux oo lagu tuhmay in ay weeraro ka
geysan rabeen gudaha dalka Kenya.
Ragga la qabtay ayaa waxaa ka mid ah labo nin oo Kenyaan ah kuwaa
oo qorsheynaayay in ay weeraro xooggan ka geystaan gudaha Kenya sidaasi waxaa
war qoraal ah ku yiri taliyaha ciidamada booliiska Kenya Joseph Boinett.
Howgalkaan ayaa ka dhacay inta u dhaxeysa magaalooyinka Bulla- Xaawo iyo
sidoo kale Mandera.
Boinett, ayaa sheegay in Abdulahi Daud Adan iyo Ismail Issack oo labaduba
kasoo jeeda Mandera la rumaysan yahay in ay hogaaminaayeen weerarkaan
lagu qaadi rabay Kenya.
Halka afarta kala ee Soomaalida ah ay kala yihiin Mohammed Ali
Weythow, Xassan Aadan Bulle, Xassan Maxamed Jaamac iyo Axmed Muhhamed Muse.
Taliye Boinett, ayaa inta ku daray in raggaan ay wateen waxyaabaha Qarxa
lana tuhusan yahay in ay weeraro geysan lahaayeen.
Waxaa uu sheegay in dhammaan dadkan baaritaanno dheer ay ku haayaan
ciidamada, islamarkaana dhawaan la soo taagi doono maxkamada ku taalla dalka
Kenya.
C/raxmaan Diini, Hiiraan Online
[email protected]
