Wasiir Beyle oo la kulmay wafdi ka socday Bankiga aduunka
Arbaco, July, 26, 2017 (HOL) – Wasiirka wasaaradda maaliyada xukuumada
Soomaaliya Cabdiraxman Ducaale Beyle ayaa kulan xafiiskiisa kula qaatay
wafdi ka socday Bankiga Aduunka oo uu hogaaminayay madaxa Bankiga Aduunka u
qaabilsan hormarinta Africa Hugh Ridell .
Kulankaasi ayaa waxaa diiradda lagu saaray horumarinta hanaanka
maamul maaliyeed ee dalka, kor u qaadista taageerada Bankiga Aduunka uu siiyo
Soomaaliya iyo siddii deymaha looga cafin lahaa sida uu sharaxay wasiirka
Maaliyadda Soomaliya.
Wasiir Bayle ayaa sheegay in Wafdiga uu la kulmay ay ka wada
hadleen kor u qaadista taageerada Bankiga aduunka iyo siddii Soomaaliya loogu
caafin lahaa deymanaha.
Wasiirka Maaliyada ayaa saxiixay lacag gaareysa $1 Million oo
dollar oo bandiga aduunka uu ugu talla -galay dadka ay abaauru saameeyeen iyo
dadka kale ee danta yarta ah.
Waxaa uu xusay in ay muhiim tahay in Bangiga uu xoojinayo
taageerada Soomaaliya uu siinayo.
Dowladda Soomaaliya ayaa wadda qorshayaal kala duwan oo lagu hormarinaayo
hanaanka maaliyadda Soomaaliya.
C/raxmaan Diini, Hiiraan Online
[email protected]
