Laascaanood : Deeq la gaarsiiyay dad ay wax yeelo ka soo gaartay Qarax Miino
Talaado,
July, 25, 2017 (HOL) - Deeq
lacageed ayaa la gaarsiiyey dad dhawaan qarax ku haleelay duleedka deegaanka
Aricadeeye oo magaalada Laascaanood Waqooyi 30Km uga beegan.
Deeqdan ayaa waxaa dadkan gaarsiiyay
Khadar Cali Jaamac oo ah mas’uulka shirkadaha Dahabshiil Group.
Dadkan oo lagu daweynayo isbitaalka Laascaanood
ayaa qaba dhaawacyo aad u culus iyadoo 13 ka mid ah dadkii wax gaareen
xaalkoodu weli culus yahay.
Dadkan oo qofkiiba la siiyey 500,000
Sh Soomaali ah- ayaa Khadar oo ka hadlayaa waxaa uu yiri "Dadkan dhaawaca
ah waxaa ka dardan dadkii ay ka yimaadeen oo aynu ka war hayney xaalada
ay ku sugan yihiin, waxaana loo baahan yahay gurmad aan loo kala
hadhin"
Agaasinka Isbitaalka Laascaanood Fahiima Koos'faare ayaa walaac xoo gleh ka
muujisay dadkan oo ay sheegay in aanay helin wax gargaar ah iyadoo ay hooyo iyo
afar caruur ah oo ay dhashay ay Ku jiraan.
"Waxaa looga baahan yahay
maamulka iyo bulshada in ay u soo gurmadaan dadkan, dhinaca kale hayaddaha
gobolka joogaa hadaanay marka tan oo kale timaado aanay gacan ka geysanayn
hayskaga tagaan gobolka ayeey tiri Fahiima.
Waxaa sidoo kale hadlay isku-duwaha wasaaradda Beeraha iyo dib u
dajinta oo balanqaaday in ay iyagoo ku hadlaya afka isuduwayaasha dhaqaale deg deg
ah la soo gaari doonaan dadka wax yeelada qaba.
Waxgarad iyo odayaal kaladuwan oo ka
hadlay halkaasi ayaa baaqdheer ku sheegay in dadkan loo gurmado.
Dadkan oo u baahan qaarkood qaliimo
culus ayay adag tahay in isbitaalka laascaanood waxlagaga qabto iyagoo u baahan
dhaaaale maadaama aanay awoodin in ay xitaa dawo iibsadaan.
Seynab Cabdi Warsame
[email protected]
Laascaanood G. Sool