Bulshada gobolka Hiiraan oo looga digay in ay garsoor u doontaan Al-shabaab
Talaado, July, 25, 2017 (HOL) – Wasiirka
Cadaaladda maamulka Hirshabeelle Cabdiqaadir Cismaan Cabdi Salaan
ayaa sheegay in wixii ka hadda ka danbeeya loo dulqaadan doonin sida uu
hadalka u dhigay in garsoor loo aado deegaannada ay maamulaan Al-shabaab ee
gobolka Hiiraan.
Waxaa uu sheegay in maamulka Hirshabeelle ka hergaliyay degmada Beledweyne
maxkamad sida uu hadalka u dhigay Islaami ah, sidaa daraadeed aysan jirin sabab
garsoor looga doonto deegaannada Booco iyo Luuq Jeeloow oo ka wada tirsan
gobolka Hiiraan.
“Waxaan leenahay shacabka ku dhaqan
Beledweyne is qab qabsi ma jiro, maanta kaddib waxaa loo imaanayaa maxkamada
halkan ka jirta, waxaad dhihi jirteen meeshaan sharci ilaahey laguma xukumo ,
waxaad aadi jirteen Booco iyo Luuq Jeelow, haddii ay Aayad wax ku xukumi jireen
kuwa waad u tagtaan, halkaan ayaa Aayadii lagu xukumayaa, haddii aad si kale u
taageersan tihiin hadde iyaga ku biira oo Aada.” ayuu yiri wasiirka Diinta iyo
Garsoorka maamulka Hirshabelle.
Wasiirka Cadaaladda Maamulka Hirshabelle ayaa ugu baaqay shacabka in aysan
ka shaqeynin iska hor keenista maamulka iyo bulshada xukunada is qab qabsiga
ahna loo tago xarumaha maxkamadaha.
C/raxmaan
Diini, Hiiraan Online
[email protected]
