Ciidamada xasilinta oo qabtay kooxo dhac ka geysan jiray magaalada Muqdisho
Talaado,
July, 25, 2017 (HOL)- Guddoomiyaha
Gobolka Banaadir Taabid Maxamed Cabdi iyo Wasiirka amniga guddaha xukuumadda
Soomaaliya Maxamed Abuukar Isloow Ducaale, ayaa xallay bogadiyay Ciidamada
Xasilinta Amniga, kuwaas oo gacanta ku dhigay koox degmadda Yaaqshiid dhac ka
geysan jiray xiliga habeenkii.
Ciidamada ayaa xalay saqdii dhexe
soo bandhigay “Mooto Bajaaj 12 Mobil, Qori AK47 iyo Saddex Rag ah oo mid
ka mid ah uu ahaa dhaawac, kuwaas oo ay sheegeen in Mooto Bajaaj ay dadka ku
dhici jireen, sida saraakiisha ciidamada ay sheegeen.
Wasiirka amniga gudaha xukuumadda
Soomaaliya Maxamed Abuukar Isloow Ducaale, ayaa sheegay in maamulka
degmadda Yaaqshid uu mudan yahay in la abaalmariyo, waxaana dhinaca kale uu
sheegay in howlgallada noocaan oo kale ah ay sii socon doonaan.
Guddoomiyaha gobolka Banaadir Taabid
Maxamed Cabdi, ayaa sheegay in sidoo kale koox dhawaan Bomb tuuray la soo
qabtay.
Dhinaca kale qaar ka mid ah dadkii
mobile laga qaatay ayaa xalay ku sugnaa Xaruunta Police ee degmadda Yaaqshiid,
waxaana qaar ka mid ah dadkaasi la siiyay Mobile-ladooda.
Dadka ku nool Degmadda Yaaqshiid,
ayaa maalmihii la soo dhaafay cabasho ka ahaa kooxo hubeysan oo dhaca ka
geystay degmadaasi.
Hiiraan Online,
Hassan Istiila
[email protected]
Mogadishu,Somalia