Baarlamaanka Soomaaliya oo dib u soo celiyay sharciga la dagaalanka Musuq-maasuqa
Isniin, July, 24, 2017 (HOL) - Mudanayaasha baarlamaanka Soomaaliya ayaa
maanta dib u soo celiyay sharciga la dagaalanka Musuq –maasuqa, kaasoo horay
ugu soo gudbisay wasaaradda Cadaalada.
Wasiirka Cadaaladda Xasan Xuseen
Xaaji ayaa Golaha shacabka ka hor akhriyay sharciga dhismaha guddiga madaxa
banaan ee la dagaalanka musuq maasuqa.
Ka hor inta uusan ka gudbin sharcigan Akhritiisii koowaad ayaa waxaa ka hor
yimid, iyadoo xildhibaannada baarlamaanka ay soo jeediyeen in dib loogu celiyo wasaaradda.
Xildhibaan Daahir Amiin Jeesoow ayaa soo jeediyay in sharcigan dib loogu
celiyo wasaaradda, maadaama qodobo muhiim ah ay ka maqan yihiin, sidaas darteed
dib loogu celiyo Wasaaradda, si loo soo dhameystiro
Guddoomiye kuxigenka labaad ee baarlamaanka yaa u akhriyay xildhibaanada
qodobada lagama maarmaanka ee loo baahan yahay inay ka soo muuqdana hindise
sharciyeedkan la horkeenay Baarlamaanka.
Guddoomiye ku-xigeenka koowaad ee baarlamaanka C/wali Sheekh Ibraahim Muudeey oo shir
guddoominayay kulanka ayaa sheegay in sharcigan la dagaalanka musuq maasuqa uu
u baahan yahay qodobo ka maqan, isla markaana dib loogu celiyay Wasaaradda.
C/raxmaan Diini, Hiiraan Online
[email protected]
