Dagaal labo beelood ku dhaxmaray deegaan ka tirsan gobolka Sanaag
Sabti, July, 22, 2017 (HOL) - Illaa todoba qof ayaa ku geeriyooday in ka badan
labaatan qofna way ku dhaawacmeen dagaal laba beelood ku dhexmaray
deegaanka Dararweyne ee degmadda Ceel af weyn ee gobolka Sanaag.
Labadda
beelood oo isku deegaan ah ayaa dagaal qabiil isku laayey, waxaana u gurmaday
ciidamada Militariga ee deegaankaasi kuwaas oo ciidamo kala dhex dhigay.
“Dagaaladda
hadda ka socda deegaankaasi waxa ku dhintay toddoba qof, labaatan qofna way ku
dhaawacmeen, waxaana leeyahay waar dagaalka joojiya, dagaal wiil kuma dhasho ee
wiil baa ku dhinta”ayuu yidhi gudoomiyaha golaha Guurtidda Saleebaan Maxamuud
Aadan.
Gudoomiyaha
Guurtidda Somaliland Saleebaan Maxamuud Aadan ayaa sheegay in 11 xidlhibaan oo
guurtidda ah u diri doonno dagaalkaasi si ay u joojiyaan dagaalkaasi,isla
markaana labadda dhinac iskugu keeni lahaayeen.
Xukuumadda,
golaha Guurtiydda iyo saddexda xisbi qaran ayaa baaqyo nabadeed u diray labadda
beelood ee dagaalku ku dhex maray deegaanka Dararweyne ee gobolka Sanaag,
waxaan ay u soo jeediyeen inay nabadda ka door bidaan dagaalka.
Dagaaladda
beelaha ayaa soo noq noqda, waxaana inta badan dirirtu ka dhex dhacaan beelaha
ood-wadaagta ah ee deriska ah, kuwaas oo inta badan dagaalka ka qarxo ceelasha
biyaha iyo dhul daaqsimeedka.
Barkhad-ladiif M. Cumar, Hiiraan Online
[email protected]
Hargeysa, Somaliland
