Majaajiliiste Ajakis oo dib loogu soo celiyay Muqdisho kadib markii lagu xiray magaalada Hargeysa
Sabti, Janaayo, 21, 2017 (HOL) - Majaajiliste Cabdi Muuriidi Dheere Ajakis
ayaa dib loogu soo celiyay magaalada Muqdisho kadib markii lagu xiray magaalada
Hargeysa oo sida la sheegay uu uga sii gudbi lahaa dhulka ismaamulka Soomaalida
Itoobiya.
Ajakis oo markii uu magaalada Muqdisho ku soo laabtay warbaahinta
la hadlay ayaa sheegay in maareeyahay garoonka diyaaradaha magaalada Hargeysa
amray xarigiisa, kadib markii sida uu hadalka u dhigay lagu eedeeyay in uu
aflagaado ku geystay madaxweynaha maamulka Soomaaliland Axmed Max’ed Max’uud
Siilaanyo.
‘’Markii aan diyaarada ka soo degay jirdil ayaa la ii
geystay darbiga ayaa madaxa la iiga dhuftay, maareeyaha garoonka ayaa xarigeyga
amray, isaga oo leh sow ma tihin ninkii madaxweynaha aflagaadeynayay, sidaa
ayaan xabsiga ku gallay’’ ayuu yiri Cabdi Muriidi Dheere Ajakis.
Hasse ahaatee wararka
ka soo baxaya dhinaca magaalada Hargeysa ayaa sheegaya in fanaanka xabsiga la
dhigay kadib markii laga waayay warqadihii ogolaanshaha uu magaalada ku soo galay, taasoo keentay in go’aaan lagu
gaaro in dib loogu celiyo magaalada Muqdisho oo markii uu ka soo safray.
Ugu danbeyntii, Majaajiliste Ajakis oo siweyn looga garanayo
deegaannada looga hadlo afka Soomaaliga ayaa caan ku ah barnaamijka faaliyaha
Qaranka ee ka baxa TV-ga Unversal oo dadku u arkaan in uu yahay barnaamij lagu madadaasho.
C/raxmaan Diini, Hiiraan Online
[email protected]