Tarsan : Baarlamaanka Soomaaliya shaqadii loo soo doortay ma hayo
Jimco, December, 29, 2017 (HOL) – Maxamuud Axmed Nuur Tarsan oo ah La taliye
sare oo ka tirsan xafiiska madaxweynaha Soomaaliya ayaa ku eedeeyay
xildhibaanada baarlamaanka inay cabsi gelin ku hayaan Madaxweynaha iyo Ra’iisul
Wasaaraha dalka.
Tarsan, ayaa sheegay in Boqolkiiba Sagaashan waqtigii Madaxweynaha iyo kan
Ra’iisal Wasaaruhuba uu ku baxayo Baarlamaanka, isagoona su’aal ka keenay waxa
markii horeba loo soo doortay baarlamaanka.
“Waqtiga Madaxweynaha iyo Ra’iisul
wasaaraha 90% waxaa qaata xildhibaanada baarlamaanka halkii ay fursad ugu heli
lahaayeen inay bulshada u adeegaan,”ayuu yiri Maxamuud Axmed Tarzan.
Waxaa uu ku eedeeyay Baarlamaanka Soomaaliya in uu ku jiro ganacsi siyaasadeed ''Baarlamaanka shaqadii loo doortay ma hayo waxaa ku jiraa ganacsi siyaasadeed'' ayuu yiri Tarsan.
Maxamuud Axmed Nuur Tarsan oo horay u soo noqday guddoomiyaha gobolka
Banaadir ayaa dhinaca kale ka mid ahaa musharixiintii xilka madaxweynaha ee
sanadkan 2017da.
Tarsan ayaa ugu danbeyntii ku eedeeyay Garsoorka dalka kuwa aan lagu
kalsoonaan karin oo sida uu hadalka u dhigay ka shaqeysanaya hantida Ummada
Soomaaliyeed.
C/raxmaan Diini, Hiiraan Online
[email protected]