Qaramada Midoobey oo sheegtay in Malaayiin ruux u baahan yihiin gargaar Bani'aadannimada
Khamiis, December, 28, 2017 (HOL) - Sannadkan sii dhamaanaya ee 2017
Malaayiin dad ah oo Soomaali ah ayaa ku barakacay iska hor imaadyo hubeysan iyo
kuwa kale ayaa lagu dilay, laguna dhaawacay rabshado.
Qaramada Midoobay ayaa ku boorisay dadka Soomaaliyeed wada shaqayn joogto
ah, si wax looga qabto dhibaatooyinka cakiran ee ka jira gudaha Soomaaliya gaar
ahaan gobolada dalka.
Wakiilka Gaarka ah Qaramada Midoobay ee arrimaha Soomaaliya Michael Keating
ayaa sheegay muhiim in ay tahay Dowladda Soomaaliya iyo QM in ay iska
kaashadaan yareynta caqabadaha hortaagan dadka barakacayaasha ah, si sannadka
cusub ay u helaan nolol ka duwan midan ay hada heystaan, una gaaraan hormaro
kala duwan.
“Dalka oo dhan, 6.2 Milyan oo qof ayaa u baahan gargaar bini’aadannimo iyo
badbaadin, in ka badan kala bar tiradaas waxay u baahan yihiin gargaar deg deg
ah oo nolol bad baadin ah, sannadkan ayaa goobjoog ka ahaa barakaca Hal Milyan
oo Soomaali ah” ayuu yiri Keating.
Dhinaca kale Xoghayaha guud ee Qaramada Midoobay Antonio Gutters ayaa
sheegay in kooxaha Argagixisada ah ay ka soo horjeedaan howlaha Hay’adaha
gargaarka gaar ahaan QM ay ka wadaan gudaha Soomaaliya,
Sida laga soo xigtay Xafiiska Qaramada Midoobay ee Isuduwaha Hawlaha
Bani’aadamnimada (OCHA), baahida cuntada ayaa ku dhowaad laba laaban cel
celiska Shanta sano ee sanadka sababtoo ah waxaa jiray roobab kooban, barakac
sii kordhey, helitaan la’aanta adeegyada asaasiga ah, iyo sii socoshada
amni-darrada iyo colaadda.
C/raxmaan Diini, Hiiraan Online
[email protected]