Shirka guddoomiyayaasha Baarlamaannadda maamul gobolleedyada oo ka furmaya Baydhabo
Talaado, December, 26, 2017 (HOL) –Magaalada
Baydhabo ee xarunta gobolka Baay ayaa lagu wadaa in uu maanta ka furmo shirka guddoomiyaha
Golaha Shacabka iyo Guddoomiyeyaasha Baarlamaannada Dowlad Goboleedyada dalka
ka jira.
Waxaa maalintii shalay gaaray magaalada Baydhabo guddoomiyaha Golaha
Shacabka Maxamed Sheekh Cismaan Jawaari iyo wafdi ballaaran oo uu hoggaaminayo
oo ay ka mid ahaayeen qaar ka mid ah guddoomiyeyaasha Baarlamaanada Dowlad
Goboleedyada.
Guddoomiye ku xigeenka Labaad ee Golaha Shacabka Mahad Cabdalla Cawad ayaa
sheegay shirkan Baydhabo lagu qabanyo in lagu go’aamiyay midkii ka horeeyay ee
Muqdisho lagu qabto, wuxuuna tilmaamay in laga hadli doono arrimo hormar ah u
ah Baarlamaanada dalka ka jira.
Ajandaha shirkan wali lama shaacin, hase ahaatee ammaanka guud ee magaalada
Baydhabo ayaa aad loo adkeeyay maanta oo Isniin ah, waxaana wadooyinka lagu soo
daadiyay ciidmo hubeysan.
Waa shirkii ugu horeeyay oo magaaladaasi ku yeeshaan Gudoomiyaha Golaha
shacabka Baarlamaanka Federaalka Soomaaliya iyo sidoo kale Gudoomiyeyaasha
Baarlamaannada maamul goboleedyada dalka ka jira.
C/raxmaan Diini, Hiiraan Online
[email protected]