Biya Dhaamin iyo deeq Dawo ah oo la gaarsiiyay Gobollada Gedo iyo Galgaduud
Khamiis, April, 06, 2017 (HOL) –Hay'adda Humanitarian African Relief ee HARO oo ka mid ah Hey’adaha Samafalka ee ka Howlgalla dalka Soomaaliya ayaa gar-gaar Biyo Dhaamin ah ka sameeyay Gobollada Gedo iyo Galgaduud, waxaana Biya dhaamintaas ka faa’iideystey dad iyo Duunyo.
“Biya dhaaminta waxaa ay qeyb ka tahay gurmadka la gaarsiinaayo dadka abaaraha ay saameeyeen”, sidaasi waxaa yiri Masuuliyiinta hey’adda HARO.
Sidoo kale, Mas’uuliyiinta ka socday Maamulada ku sugan Gobolada Gedo iyo Galgaduud oo ka hadley Goobta ayaa iyaguna si weyn u soo dhaweeyay tallaabadan Biya Dhaaminta ee Hayadda HARO.
Hayada HARO ayaa Deeq Dawo ah Gaarsiisey Gobolka Gedo gaar ahaan Buur Dhuubo iyo Garbahaarey ka dib markii deegaanadaas ay ka dilaaceen Xanuuno kala duwan.
Dadkii Daawadaas la gaarsiiyey iyo kuwii Biya Dhaaminta ka Faa’ideysatay ayaa u mahadceliyey Hayada HARO , sidoo kale waxay u Mahadcliyeen Jaaliyada Seattle ee Washington oo uu Hormuud ka ahaa Masjidka Abuubakar Sadiiq Islamic Center ee Seattle, yo Jaaliyada Reer Santiago ee California Masjidka Al Ansaar iyo Al Huda slamic Center.
Mustaf Hussien
Mogadishu,Somalia