Wasiirka cusub ee wasaarada dastuurka oo xilka la wareegay
Isniin, April, 03, 2017 (HOL) – Wasiirka cusub ee wasaarada dastuurka xukuumada
Soomaaliya C/raxmaan Xoosh Jabriil ayaa manta si rasmi xafiiska ugala wareegay
wasiirkii hore ee wasaaradaas Xusseen Sheekh Max’uud.
Munaasabada xil wareejinta waxaa goob joog ka ahaa ra’iisul wasaare
kuxigeenka Soomaaliya, Mas’uuliyiin, shaqaalaha wasaaradda iyo marti sharaf
kale.
Wasiirkii hore ee wasaaradda dastuurka Xusene Sheekh Maxamuud Xuseen ayaa ka
warbixiyay waxyaabihii u qabsoomay iyo heerarka uu soo maray barnaamijka
dastuurka iyo wada tashiyadii ay ku qabteen gobolada dalka.
Wasiirka cusub ee Dastuurka C/raxmaan Xoosh Jibriil oo horay xilkan u soo
qabtay ayaa sheegay in howsha wasiirkii hore uu qabtay uu halkeeda ka sii
wadayo, isagoo ammaan u jeediyay Wasiirkii hore.
Ugu danbeyntii, inta badan xubnaha gollaha wasiirada cusub ee dhawaan hellay
codka kalsoonida ayaa la wareegay xilalka, inkastoo ay jiraan wali xubno ka
tirsan gollahan cusub oo aan lagu wareejin xafiiska.
C/raxmaan Diini, Hiiraan Online
[email protected]
