Xoogagga Al-shabaab oo la wareegay gacan ku heynta degmada Ceelbuur
Isniin, April, 03, 2017 (HOL) – Xoogagga Al-shabaab ayaa la wareegay gacan ku
heynta degmada Ceelbuur ee Gobolka Galgaduud, kaddib markii ay isaga
baxeen Ciidamada Itoobiya.
Sida ay sheegayaan wararka Ciidamada Itoobiya ayaa saaka isaga baxay degmada,
iyagoo u ruuqaansaday dhinaca degmada Dhuusa Mareeb ee xarunta Galgaduud.
Guddoomiyaha degmada Ceelbuur Nuur Xasan Guutaale ayaa sheegay in ay halka isaga baxeen ciidamada Itoobiya oo maalmihii ugu danbeeyayba deegaanka ka wadday dhaqdhaqaaqyo militari.
Dagaalyahanada Al-Shabaab oo ku sugnaa meelaha aan sidaa uga fogeyn Ceelbuur
ayaa gudaha u soo galay, waxaana degan xaalada degmada.
Sadax sanno ka hor ayeey aheyd markii ciidamada Itoobiya la wareegeen
degmada Ceelbuur, oo ah degmo istiraatiiji ah, kana mid aheyd degmooyinkii ay
ku xoogganaayeen Al-Shabaab.
Ugu danbeyntii, Ceelbuur ayaa ka mid ah degmooyinka ugu qadiimisan gobolka
Galguduud, waxaana ay caan ku tahay wax soo saarka agabka laga qoro dhagxaanta.
C/raxmaan Diini, Hiiraan Online
[email protected]