Xildhibaannada baarlamaanka Soomaaliya oo maanta kulan yeelanaya
Isniin, April, 03, 2017 (HOL) – Xildhibaanada
Baarlamaanka Soomaaliya ayaa Maanta lagu wadaa iney kulan ku yeeshaan xarunta golaha
shacabka ee magaalada Muqdisho.
Kulanka xildhibaanada ay yeelanaya ayaa waxaa loogu qeybin doonaa miisaaniyada
dowladda ee sanadkan 2017.
Miisaaniyada loo qeybinayo xildhibaanada baarlamaanka ayaa waxaa la doonayo
in dowladda ay ku shaqeyso sanadkan 2017 isla markaana lagu fuliyo howlaha dowladda.
Sidoo kale xildhibaanada Baarlamaanka ayaa qeybinta kadib ka doodi doono marka
ay soo aqristaan warbixinta ku saabsan miisaaniyada.
Sidoo kale xildhibaanada baarlamaanka ayaa waxaa loo qeybinaya qaraaradii
ugu dambeeyay baarlamaanku gaaray.
Qaraarada loo qeybinayo xildhibaanada baarlamaanka ayaa waxaa ka mid ah
ansixinta golaha wasiirada Soomaaliya iyo qaraarkii ku saabsanaa ka qeyb
qaadashada howlaha gurmadka abaaraha ee dalka ka soconayo oo wax ka badal lagu
sameeyay.
Ugu danbeyntii, xildhibaanada baarlamaanka Soomaaliya ayaa waxaa horyaalla
howlo badan oo laga doonayo in ay qabtaan afarta sano ee soo socota.
C/raxmaan Diini, Hiiraan Online
[email protected]
