Guddoomiyaha gobolka Hiiraan oo gaaray degmada Buula-burte
Khamiis, April, 20, 2017 (HOL) – Guddoomiyaha maamulka gobolka Hiiraan Cali Jeynte
Cismaan ayaa goor dhaw ka degay garoonka diyaaradaha degmada Buula-burte,
waxaana sidoo kale la filayaa in saacadaha soo socda uu halkaa gaaro
madaxweynaha maamulka Hirshabeelle Cali Cabdullaahi Cosoble.
Wafdiga sidoo kale maanta lagu wado in ay gaaraan degmada
Buula-burte ayaa waxaa qeyb ka noqon doona saraakiil ka tirsan ciidamada
Jabuuti ee qeybta ka ah howlgalka midowga Africa AMISOM.
Ujeedada socdaalka wafuuda lagu wado in saacadaha soo
socda gaaraan degmada Buula-burte ayaa salka ku heysa xalinta xiisad ka
dhalatay askari ka tirsanaa ciidamada Jabuuti oo maalintii shalay lagu dilay
degmada.
Dilka askariga ka tirsanaa ciidamada Jabuuti ayaa xiisad
ka abuurtay degmada, kadib ciidamada AMISOM uga shakiyeen in uu dilkaa geystay
askari ka tirsan ciidamada dowladda ee ku sugan degmada.
Waa markii ugu horeysay oo
toogasho lagu dilo gobolka Hiiraan askari ka tirsan ciidamada AMISOM marka laga
soo tago khasaaraha ciidamada ka soo gaara dagaallada ay la galaan Al-shabaab.
Wixii warar ah ee ka so kordha warka arintan ku saabsan
waan idin soo gudbin doonnaa..
Hiiraan
Online, News Desk
