Cudurka Shuban biyood boqolaal ruux soo ritay deegaanno hoostaga degmada Buuhoodle
Isniin,, April, 17, 2017
(HOL) - 350 ruux ayaa lagu daaweynayaa
isbitaalka Daryeel oo ku yaala magaalada Buuhoodle duleedkeeda xili xawaare
xoogan uu ku soconayo faafida xanuunka shuban biyoodka oo haatan khatar xoogleh
ku haya degaankaas.
Isbitaalka Daryeel oo haatan ku dhow
in dadka laga keenayo degaanada u dhowdhow Buuhoodle ay buuxdhaafiyaan, lana
waayo adeeg badbaadineed ee ku filan iyo hawlwadeenada caafimaad ee gargaarka u
fidinaya.
"24 saac ee la soo dhaafay 5
ruux ayaa ku dhintay magaalada Buuhoole, waxaana haa jira iskaashi
hawlwadeenada caafimaad si buuxda ayay u wada shaqaynayaan hay'aday doonaan ha
ka tirsanaadeen" sidaa waxa yidhi Khadar Cawl oo ah suxufi ku sugan
Buuhoodle.
Waxaa soo gaadhey magaalada
dhakhaatiir ka tagtay magaalada Hargeysa iyadoo uu halkaa horey ugu sugnaa
Wasiirka Caafimaadka Somaliland Saleebaan Ciise Xaglatoosiye,
Xaalada Shuban Biyoodka oo sii
kordhaysa degaanada Buuhoodle hoosyimaada ayaa maaliba maalinta ka danbaysa sii
kordhay iyadoo dadka ku dhintay ay gaadhayaan inta la ogyahay 37 ruux.
Dadaal xoogan oo lagu jiro sidii loo
xakamayn lahaa dhibaatada taagan oo ah tii ugu cuslayd ee soo marta abid
degaankan, taas oo sababtay in la furo Isbitaalka Daryeel oo xidhnaa mudo 10
sano ku dhow, kaas oo uu dhisay Wasiirka Caafimaadka Somaliland ee haatan ku
sugan Buuhoodle.
Degaanka labaad ee dhibaatada weyni
ka taagan tahay ayaa ah halka lagu magcaabo Farjano oo Buuhoole ku dhowaad 50Km
bari kaga aad oo sida la sheegay 4 ruux ku dhinteen 70 kalena ay baxnaano u jiifaan.
Seynab Cabdi Warsame
[email protected]
Laascaanood G. Sool