Sabti, April 1, 2017 (HOL) –Ciidamo ka tirsan AMISOM, ayaa qarax miino lagula eegtay Duleedka Degmadda Afgooye ee Gobolka Shabeelaha Hoose, sida goobjoogayaal ay sheegeen.
Inta la ogyahay afar Askari oo ka tirsanaa Ciidamada AMISOM ayaa ku geeriyootay Qaraxa Miino.
“Qaraxa waxaa uu ka dhacay meel u dhow deegaanka Cadow Dibille ee Duleedka Degmadda Afgooye”, goobjooge ayaa Hiiraan Online u sheegay.
Kolonyadaan oo ka ambabaxay Degmada Afgooye ayaa ku wajahnaa Deegaanka Shalaanbood ee Gobolkaasi Shabeelaha Hoose.